استانادا وتكەن اۋىل اكىمدەرىنىڭ ديالوگ الاڭىندا مەملەكەت باسشىسى جەرگىلىكتى باسقارۋداعى تۇيتكىلدەرگە نازار اۋداردى. شارا بارىسىندا قىزىلجار اۋدانى ۆاگۋلين اۋىلدىق وكرۋگىنىڭ اكىمى يرينا شيشكينا اۋىل اكىمدەرى مەملەكەتتىك دەرەكتەر بازالارىنا قول جەتكىزە المايتىنىن ايتتى.
«مەن بىلمەيمىن, نەگە بۇلاي بولدى؟ قانداي قۇپياسى بار؟ بۇل ماسەلەنى شەشۋ كەرەك سياقتى. بۇعان كىم جاۋاپ بەرە الادى؟ ولجاس اباي ۇلى, كىم؟ نەگە اۋىل اكىمدەرى قولجەتكىزە الماي وتىر؟ جاساندى ينتەللەكت جانە تسيفرلىق دامۋ ۆيتسە-ءمينيسترى...», دەدى توقاەۆ.
پرەزيدەنت سۇراعىنا ۆيتسە-پرەمەر, جاساندى ينتەللەكت جانە تسيفرلىق دامۋ ءمينيسترى جاسلان ماديەۆ جاۋاپ بەردى.
«قۇرمەتتى قاسىم-جومارت كەمەل ۇلى, ماسەلەنى تۇسىندىك. بۇگىندە ەلەكتروندى ۇكىمەت ءشليۋزى دەپ اتالاتىن ارنايى پلاتفورما بار. سول ارقىلى مەملەكەتتىك دەرەكتەر بازالارىنا قولجەتىمدىلىكتى قامتاماسىز ەتۋ باعىتىندا جۇمىس جۇرگىزەمىز», دەدى ماديەۆ.
توقاەۆ بۇل جۇمىستى جەدەلدەتۋدى تاپسىردى.
«وسىنداي كەمشىلىكتەردىڭ سالدارىنان مۇنداي ماسەلەلەر كوپ نەمەسە اكىمدەر تۇرعىنداردىڭ سۇراقتارىنا ناقتى جاۋاپ بەرە المايدى. كەي جاعدايدا وزدەرىن دارمەنسىز سەزىنەدى. بۇعان جول بەرۋگە بولمايدى», – دەدى پرەزيدەنت.
