فوتو: وبلىس اكىمدىگى
نيۋ-يورك كينواكادەمياسى فيليالى 200 ستۋدەنتكە ارنالعان, وقۋ امەريكالىق باعدارلامامەن 5 باعىتتا جۇرگىزىلەدى, ناقتى ايتقاندا: كينووندىرىس, ستسەناري, اكتەرلىك شەبەرلىك, ويىن ديزاينى, 3D-انيماتسيا. قازىر اكادەميادا بىلىم الىپ جاتقان 60 ستۋدەنتتىڭ اراسىندا افريكا جانە ەۋروپا ەلدەرىنەن كەلگەندەر دە بار.
ال حالىقارالىق دەڭگەيدە سپورتشىلار دايىندايتىن «اتلەتيكو مادريد» فۋتبول اكادەمياسىندا ءبىلىم الۋعا ەلىمىزدىڭ تۇكپىر-تۇكپىرىنەن 113 وقۋشى كەلگەن.
وبلىستىڭ مادەني جانە رۋحاني ومىرىندە ەرەكشە شارالار قاتارىندا نۇرعيسا تىلەنديەۆتىڭ 100 جىلدىعى تۇر. ۇلى تۇلعانىڭ مەرەيتويى يۋنەسكو دەڭگەيىندە اتالىپ جاتىر. مەرەيتوي اياسىندا تۇركسوي ۇيىمىمەن بىرلەسكەن جوبالار جۇزەگە اسىرىلىپ, بەيجىڭ مەن ماسكەۋدە كونتسەرتتەر ۇيىمداستىرىلعان. سونداي-اق ن.تىلەنديەۆتىڭ ەسىمى مادەنيەت ۇيلەرىنە, كوشەلەرگە, وقۋ ورىندارىنا بەرىلىپ جاتىر.
