زاڭ جوباسى – بانك زاڭناماسىنىڭ كەشەندى رەفورماسى. قۇجاتتىڭ قۇرىلىمى ايتارلىقتاي جاڭارتىلىپ, قولدانىستاعى نورمالارعا تەكسەرۋ جۇرگىزىلدى, تالاپتار وڭتايلاندىرىلدى, سونداي-اق كورپوراتيۆتىك باسقارۋ, ءىس-قيمىلدى قاداعالاۋ جانە تولەمگە قابىلەتسىز بانكتەردى رەتتەۋ ماسەلەلەرى بويىنشا جاڭا بولىمدەر ەنگىزىلدى.
زاڭ جوبالارىنىڭ نەگىزگى ماقساتى – بانك جۇيەسىنىڭ قارجىلىق تۇراقتىلىعىن قامتاماسىز ەتۋ. نەگىزگى نوۆەللالارعا بانك قىزمەتىن تەپە-تەڭ رەتتەۋدى ەنگىزۋ, قارجىلىق-تەحنولوگيالىق سەكتوردى دامىتۋ جانە تسيفرلىق قارجى اكتيۆتەرىن رەتتەۋ, يسلام بانكينگىن دامىتۋ, تاۋەكەلگە باعدارلانعان ءىس-قيمىلدى قاداعالاۋ جۇيەسىن قالىپتاستىرۋ, تولەمگە قابىلەتسىز بانكتەردى رەتتەۋدىڭ جاڭا تەتىگىن قۇرۋ جانە بانكتىك رەتتەۋدى جەتىلدىرۋ كىرەدى.
دەپۋتاتتار زاڭ جوبالارىنىڭ نەگىزگى ەرەجەلەرىن تالقىلاپ, ولاردىڭ ەلدىڭ قارجى سەكتورىن ودان ءارى دامىتۋ ءۇشىن ماڭىزدىلىعىن اتاپ ءوتتى. تالقىلاۋدان كەيىن زاڭ جوبالارى ەكىنشى وقىلىمدا ماقۇلداندى.
زاڭ جوبالارىن قابىلداۋ بانك جۇيەسىنىڭ ورنىقتىلىعىن نىعايتۋعا, رەتتەۋدىڭ اشىقتىعى مەن تيىمدىلىگىن ارتتىرۋعا, باسەكەلەستىكتى دامىتۋعا جانە قارجى نارىعىندا يننوۆاتسيالاردى ىنتالاندىرۋعا جاعداي جاسايدى.
