فوتو: ru.freepik.com/جي
الدىمەن قىلمىستىق توپتىق نۇسقاۋىمەن 60 توننا مۇناي ءونىمىن تاسىمالداعان جۇك كولىكتەرىنىڭ جۇرگىزۋشىلەرى ەكى وڭىردە ۇستالعان.
وقيعانى تەرگەۋ بارىسىندا تۇرعىن ءۇي مەن كاسىپورىنعا ءتىنتۋ جۇرگىزىلىپ, 400 توننا مۇناي ءونىمى, اتىس جانە گاز قارۋلارى, زاڭعا قايشى وپەراتسيالاردى راستايتىن قۇجاتتار تاركىلەنگەن.
سونداي-اق شەتەلگە مۇناي ونىمدەرىن كونتراباندالىق جولمەن شىعارعان تاعى ءبىر كومپانيانىڭ قىزمەتى تەكسەرىلىپ جاتىر.
الدىن الا دەرەكتەر بويىنشا كاسىپورىن قۇنى شامامەن 8 ملرد تەڭگەنى قۇرايتىن 30 مىڭ توننادان استام جانارمايدى ەكسپورتتاعان.
قازان ايىندا مەملەكەتتىك شەكاراداعى تەمىرجول وتكىزۋ پۋنكتتەرىنىڭ بىرىندە وسى كومپانياعا تيەسىلى 300 توننا جانارماي تاسىمالداعان ءتورت ۆاگون انىقتالعان.
ءىىم قازىر قىلمىستىق ىسكە قاتىستى ساراپتامالار تاعايىندالىپ, تەرگەۋ جۇرگىزىلىپ جاتقانىن مالىمدەدى.
