وبلىستىق وباعا قارسى كۇرەس ستانتسياسىنىڭ باسشىسى لاريسا نۇرماعامبەتوۆانىڭ ايتۋىنشا, تىشقاننىڭ كوبەيۋىنە بىلتىرعى تاسقىن سۋ سەبەپ بولۋى مۇمكىن.
ء«بىزدىڭ ستانتسيانىڭ ماماندارى اۋلانعان زيانكەستەردە ينفەكتسيالىق اۋرۋلاردىڭ بار-جوعىن جۇيەلى تەكسەرىپ وتىر. بۇگىنگە دەيىنگى زەرتحانالىق تالداۋدىڭ ءبارى تەرىس ناتيجە كورسەتتى», دەيدى لاريسا نۇرماعامبەتوۆا.
تىشقاننىڭ كوبەيۋىنە وبلىس اكىمىنىڭ ورىنباسارى قايرات نۇرتاەۆ جەتەكشىلىك جەدەل شتاب قۇرىلدى. كوميسسيانىڭ قۇرامىنا وباعا قارسى كۇرەس ستانتسياسىنىڭ, كاسىپكەرلىك جانە ونەركاسىپ, اۋىل شارۋاشىلىعى جانە جەر قاتىناستارى باسقارمالارىنىڭ, سانيتارلىق-ەپيدەميولوگيالىق باقىلاۋ دەپارتامەنتىنىڭ, ماحامبەت اۋداندىق اكىمدىگى مەن دەزينفەكتسيا مەكەمەلەرىنىڭ وكىلدەرى بار.
قازىر ماحامبەت اۋدانىندا ەكى مامانداندىرىلعان مەكەمەنىڭ ماماندارى تىشقانعا قارسى ۋلاۋ جۇمىسىن اتقارىپ وتىر. وبلىس اكىمىنىڭ ورىنباسارى قايرات نۇرتاەۆتىڭ تاپسىرماسىمەن «اقجايىق» مەملەكەتتىك تابيعي رەزەرۆاتىنان تراكتور ءبولىندى. جايىق وزەنىنىڭ جاعالاۋى 0,5-1 مەتر تەرەڭدىكتە تازارتىلىپ, ۋلاۋ جۇمىسى جۇرگىزىلىپ جاتىر. زيانكەستەر وشاعى انىقتالعان اۋىلدار وسى ادىسپەن تولىق وڭدەلەدى.
وبلىس اكىمدىگىنىڭ ءباسپاسوز قىزمەتىنەن ءمالىم ەتكەندەي, كەمىرگىشتەرگە قارسى كۇرەسكە تاعى ءتورت مەكەمەمە تارتىلادى. ونىڭ ەكەۋى اتىراۋ قالاسىندا, ال ەكەۋى ماحامبەت اۋدانىندا ۋلاۋعا كىرىسەدى. قالا اۋماعىنداعى ۋلاۋ جۇمىسى جايىق وزەنىنىڭ ەكى جاعالاۋىنداعى بەرەكە جانە قايىرشاقتى اۋىلدىق وكرۋگتەرى ماڭىندا جۇرگىزىلەدى.
ء«بىزدىڭ نەگىزگى ماقساتى – زيانكەستەر شوعىرلانعان وشاقتاردىڭ كوزىن جويۋ, پوپۋلياتسياسىن ازايتىپ, تارالۋىنىڭ تولىق الدىن الۋ. قاۋىپتى سەيىلتۋ ءۇشىن جۇمىستى دەرەۋ باستاۋ كەرەك. وبلىستىڭ كاسىپكەرلىك جانە ونەركاسىپ باسقارماسىنا وڭىردەگى ءىرى كاسىپورىنداردا دەراتيزاتسيا جۇمىستارىن ۇيىمداستىرۋدى تاپسىردىق», دەيدى قايرات نۇرتاەۆ.
سالا ماماندارى تىشقانعا قارسى ۋدىڭ تيىمدىلىگى 7-10 كۇندە بايقالۋى ءتيىس. دەراتيزاتسيادا پايدالانىلاتىن پرەپاراتتاردىڭ ادام مەن ءۇي جانۋارلارىنا زيانى جوق. پرەپاراتتارە سانيتارلىق نورمالارعا ساي قولدانىلادى.
