پرەزيدەنت • 24 قاراشا, 2025

پرەزيدەنت زياتكەرلىك مەنشىك ماسەلەلەرى بويىنشا زاڭعا قول قويدى

40 رەت
كورسەتىلدى
1 مين
وقۋ ءۇشىن

مەملەكەت باسشىسى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە زياتكەرلىك مەنشىك ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭعا قول قويدى. بۇل تۋرالى اقوردا ءمالىم ەتتى.

پرەزيدەنت زياتكەرلىك مەنشىك ماسەلەلەرى بويىنشا زاڭعا قول قويدى

— زاڭ زياتكەرلىك مەنشىك قۇقىعىن قورعاۋدى كۇشەيتۋ ماقساتىندا ازىرلەندى جانە بىرقاتار شارا قابىلداۋدى قاراستىرادى, — دەلىنگەن حابارلامادا.

سونىڭ ىشىندە:

— كورۋ قابىلەتى بۇزىلعان ادامداردىڭ جاريالانعان شىعارمالاردى اۆتورلاردىڭ رۇقساتىنسىز جانە ولارعا سىياقى تولەمەي-اق كوپشىلىك الدىندا ورىنداۋىنا, تاراتۋىنا, جالپىعا جەتكىزۋىنە مۇمكىندىك بەرۋ;

— تاۋار بەلگىلەرىن تەزدەتىپ تىركەۋدى ەنگىزۋ. قازىر تىركەۋ 7 اي ىشىندە جۇرگىزىلەدى. زاڭ اقىلى تۇردە تىركەۋ تەتىگىن ەنگىزۋدە, سونىڭ ناتيجەسىندە ۋاقىت 4 ايعا دەيىن قىسقارادى. بۇل تاۋار بەلگىلەرىنىڭ يەلەرىنە ءوز تاۋارلارىن نارىققا تەزىرەك شىعارۋىنا جاعداي جاسايدى;

— تاۋار بەلگىسىن تىركەۋگە قاتىستى شاعىمدانۋ مەرزىمىن ۇلعايتۋ. قازىرگى ۋاقىتتا شاعىمدانۋ مەرزىمى — 1 اي. زاڭ بۇل مەرزىمدى 2 ايعا ۇلعايتپاق.

— اۆتورلار مەن قۇقىق يەلەرىنىڭ شاعىمى بويىنشا اۆتورلىق جانە ساباقتاس قۇقىق وبەكتىلەرىن قولدانۋدى ادىلەت ورگاندارىنىڭ جوسپاردان تىس تەكسەرۋى ارقىلى مەملەكەتتىك باقىلاۋ ەنگىزۋ كوزدەلگەن;

— ۇجىمدىق قۇقىقتىق باسقارۋ سالاسىندا بىرىڭعاي تسيفرلىق پلاتفورما ەنگىزىلمەك.

زاڭنىڭ ءماتىنى باسپاسوزدە جاريالانادى.

سوڭعى جاڭالىقتار