كەڭسە جۇرگىزگەن تالداۋ ناتيجەلەرى بويىنشا جەكەشەلەندىرۋگە جاتاتىن 473 سۋبەكتىنىڭ تىزبەسى قالىپتاستىرىلىپ, قازاقستان رەسپۋبليكاسى ۇكىمەتىمەن بەكىتىلدى.
سونىمەن قاتار تسيفرلىق پلاتفورما – كەڭسەنىڭ رەسمي سايتى ىسكە قوسىلدى. وندا مەملەكەتتىك مەنشىك وبەكتىلەرىنىڭ اشىق تىزبەسى جاريالانعان. بۇل پلاتفورما ارقىلى بيزنەس سۋبەكتىلەرى وزدەرىن قىزىقتىرعان اكتيۆتەرگە ءوتىنىم بەرىپ, جەكەشەلەندىرۋ پروتسەسىن «مەملەكەتتەن بيزنەسكە» ەمەس, كەرىسىنشە بيزنەس باستاماسى ارقىلى باستاپ, جەدەلدەتە الادى (جەكەشەلەندىرۋگە تىيىم سالىنعان وبەكتىلەردى قوسپاعاندا).
2026 جىلى ۇلتتىق جەكەشەلەندىرۋ كەڭسەسى ەكونوميكا سالالارىنداعى مەملەكەتتىڭ قاتىسۋى مەن ءرولىن تالدايدى. اتاپ ايتقاندا, IT, اكك, گەولوگيا, مۇنايسەرۆيس, قۇرىلىس سالالارى قارالادى. سونداي-اق مەملەكەت قاتىسۋ ۇلەسى 50%-دان تومەن كاسىپورىنداردىڭ قىزمەتىنە تالداۋ جۇرگىزۋ جوسپارلانعان. بارلىعى 250-دەن استام كاسىپورىننىڭ قىزمەتى زەردەلەنەدى.
الداعى ەكى جىلدا ۇلتتىق جەكەشەلەندىرۋ كەڭسەسىنىڭ جۇمىسىندا مەملەكەتتىك ورگاندارمەن بىرلەسىپ جول كارتالارىن ازىرلەۋگە باسا ءمان بەرىلەدى. جول كارتالارى الەۋمەتتىك جانە ستراتەگيالىق وبەكتىلەردى جەكەشەلەندىرۋدىڭ بارلىق اسپەكتىلەرىن قامتيتىن بولادى.
ۇلتتىق جەكەشەلەندىرۋ ءوفيسى 2024 جىلعى 28 مامىردا پرەزيدەنتتىڭ «ەكونوميكانى ىرىقتاندىرۋ شارالارى تۋرالى» جارلىعى اياسىندا قۇرىلدى. وفيس قۇرامىنا نەگىزگى ۆەدومستۆولاردىڭ ءبىرىنشى باسشىلارى, مينيسترلەر مەن اكىمدەردىڭ ورىنباسارلارى دەڭگەيىندەگى باسشىلار, پارلامەنت دەپۋتاتتارى, كۆازيمەملەكەتتىك سەكتور سۋبەكتىلەرى, ساراپشىلار قاۋىمداستىعى مەن «اتامەكەن» ۇكپ وكىلدەرى كىرەدى.
