فوتو: freepik.com
«وسكەمەندەگى اۋا ساپاسىنىڭ جاعدايى بارىمىزگە بەلگىلى. قالانىڭ گەوگرافيالىق جاعىنان تاۋلى ويپاتتا ورنالاسۋى جانە 2 وزەننەن تۇماننىڭ پايدا بولۋى دا قولايسىز اۋا رايىنىڭ قالىپتاسۋىنا اسەرىن تيگىزىپ وتىر. اۋا ساپاسىنا ەكولوگيالىق مونيتورينگ جۇرگىزۋ باعدارلاماسى شەڭبەرىندە ەكولوگيالىق تاۋەكەلدى تومەندەتۋ ءۇشىن 25 باقىلاۋ بەكەتى جەلىسىن قۇرۋ جوباسى ىسكە اسىرىلىپ جاتىر. بۇل پلاتفورما كاسىپورىنداردا ورناتىلعان تىركەۋ اسپاپتارىن بىرىكتىرۋ ارقىلى كەڭەيتىلمەك, دەدى ءوڭىر باسشىسى ن.ساقتاعانوۆ.
ءىرى كاسىپورىندارمەن قولايسىز مەتەورولوگيالىق جاعداي كەزدەرىندە ءوزارا بىرلەسە ارەكەت ەتۋ تۋرالى مەموراندۋمدارعا قول قويىلعان.
قالادا «وسكەمەن تىنىسى» قورشاعان ورتانى قورعاۋ بيۋروسى دا جۇمىس ىستەپ تۇر, قۇرامىندا تاجىريبەلى ەكولوگتار, قوعام جانە مەملەكەتتىك ورگانداردىڭ وكىلدەرى بار.
