فوتو: ۇكىمەتتىڭ ءباسپاسوز قىزمەتى
ولجاس بەكتەنوۆ بۇگىندە قازاقستاننىڭ مەملەكەتتىك قارىزى ءجىو-ءنىڭ 23,6%-ىن قۇرايتىنىن اتاپ ءوتتى. ونىڭ سوزىنشە, بۇل كورسەتكىش حالىقارالىق ستاندارتتار بويىنشا تومەن سانالادى. ماسەلەن, كوپتەگەن دامىعان ەلدەردە مەملەكەتتىك قارىز ءجىو-گە شاققاندا 50%-دان, 80%-دان, كەيدە جەكەلەگەن مەملەكەتتەردە 100%-دان دا اسادى.
«مەن بۇلاي جاساۋعا شاقىرىپ وتىرعان جوقپىن. كەرىسىنشە, قازاقستاننىڭ مەملەكەتتىك قارىزىنىڭ دەڭگەيى تومەن بولۋى ءتيىس دەپ ەسەپتەيمىن, ۇكىمەت تە وسى باعىتا جۇمىس ىستەۋدە. حالىقارالىق قارجى ۇيىمدارى, اتاپ ايتقاندا, بەلگىلى رەيتينگتىك اگەنتتىكتەر تاراپىنان باعا بەرىلۋى مەملەكەتتىك قارىزدىڭ قولايلى دەڭگەيدە ەكەنىن راستايدى. «ۇلكەن ۇشتىك» دەپ اتالىپ جۇرگەن Fitch, Moody's جانە S&P اگەنتتىكتەرى ءبىزدى جاقسى باعالاۋدا. ەلىمىزدىڭ ينۆەستيتسيالىق رەيتينگى – ايماقتا جالعىز كورسەتكىش. قارجىلىق ورنىقتىلىعىمىز دا ءبىزدىڭ ويىمىزشا, جامان ەمەس», دەدى پرەمەر-مينيستر.
سونىمەن قاتار, بەكتەنوۆ ءتيىمدى شارتتارمەن سىرتتان قارىز تارتۋ مۇمكىندىكتەرىنە توقتالدى.
«مىسالى, قازان ايىنىڭ سوڭىندا ءبىز ەۋروبوندتاردى 4,4%-بەن ورنالاستىردىق. بۇل حالىقارالىق ينۆەستورلاردىڭ قازاقستانعا سەنىپ, وسىنداي پايىزبەن اقشا سالاتىنىنىڭ جاقسى كورسەتكىشى», دەدى ول.
