ساپار «اسسامبلەيا. پارلامەنت. ءماسليحاتتار» جوباسى اياسىندا ءوتتى. وبلىس اكىمى نۇرداۋلەت قيلىبايدىڭ قاتىسۋىمەن بارلىق دەڭگەيدەگى ءماسليحات دەپۋتاتتارىمەن جانە وڭىرلىك اسسامبلەيا اكتيۆىمەن كەزدەسۋ ۇيىمداستىرىلدى. جيىندا مەملەكەت باسشىسىنىڭ قازاقستان حالقىنا جولداۋىندا جانە قازاقستان حالقى اسسامبلەياسىنىڭ XXXIV سەسسياسى قورىتىندىلارى بويىنشا بەرىلگەن تاپسىرمالاردىڭ ورىندالۋى, جەرگىلىكتى وكىلدى ورگاندارمەن ءوزارا ءىس-قيمىل, قوعامدىق ماڭىزى بار باستامالاردىڭ ىسكە اسىرىلۋى جانە اسسامبلەيا مۇشەلەرىنىڭ ۇلتتىق قۇندىلىقتاردى ىلگەرىلەتۋگە قاتىسۋى تالقىلاندى.
ۆەدومستۆو دەرەگىنشە, 2025 جىلى ماڭعىستاۋ وبلىستىق قازاقستان حالقى اسسامبلەياسى 10 مىڭنان استام ادامدى قامتىعان 150-دەن استام ءىس-شارا وتكىزدى.
وبلىس اكىمىمەن بىرگە دەلەگاتسيا قحا-نىڭ وبلىستىق «جومارت جان» سىيلىعىنىڭ لاۋرەاتتارىن ماراپاتتاۋ راسىمىنە قاتىستى. بيىل وڭىردە بەس نوميناتسيا بويىنشا 15 لاۋرەات انىقتالىپ, وبلىستىڭ دامۋىنا جانە الەۋمەتتىك باستامالاردى قولداۋعا قوسقان ايرىقشا ۇلەسى ءۇشىن ەكى ارنايى سىيلىق تابىستالدى.
جۇمىسشى ماماندىقتار جىلىن ناسيحاتتاۋ ماقساتىندا قحا توراعاسىنىڭ ورىنباسارى مەن سەنات دەپۋتاتتارى وڭىردەگى بىرقاتار كاسىپورىندا بولدى. اتاپ ايتقاندا, «بەرەكەت-ف» كومپانياسىنا, «PRESTIGE» جيھاز گيپەرماركەتىنە جانە تۇپقاراعان اۋدانىنداعى تۇيە ءسۇتىن وندىرەتىن تسەحقا باردى. كوپەتنوستى ەڭبەك ۇجىمدارىمەن كەزدەسۋلەر وتكىزىلىپ, ەتنوسارالىق كەلىسىمدى نىعايتۋ, اسسامبلەيا باستامالارى شەڭبەرىندە الەۋمەتتىك ماڭىزى بار جوبالاردى جانە ۆولونتەرلىك جۇمىس فورماتىن دامىتۋ ماسەلەلەرى تالقىلاندى.
