فوتو: اشىق دەرەككوز
ء«بىز بۇگىن ءتۇرلى لگبت-اكتيۆيستەردىڭ مەملەكەتتىك ينستيتۋتتارعا ىقپال ەتۋگە جانە قوعامعا وزدەرىنىڭ تەرىس يدەولوگياسىن تاڭۋعا باعىتتالعان اقپاراتتىق شابۋىل جۇرگىزىپ وتىرعانىن كورىپ وتىرمىز. بالالاردى قورعاۋعا ارنالعان ورىندى شەكتەۋلەردى ولار ادەيى «قۋدالاۋ» نەمەسە «قۇقىق بۇزۋ» دەپ كورسەتەدى, وزدەرىن «جابىرلەنۋشى» رەتىندە تانىتادى. بۇل – جالعان ءارى ارانداتۋ! ەموتسيالىق قىسىم كورسەتۋ, كوپشىلىك الدىندا ءوز پايداسىنا ويناۋ, ءمان-ماعىنانى بۇرمالاۋ جانە بالالاردىڭ ساناسىنا ەركىن جول اشۋعا ۇمتىلۋ – ولاردىڭ ارەكەتىنىڭ نەگىزگى سيپاتى. قانداي اقپاراتتىق شۋدىڭ كۇشى بولماسىن, ءسىزدى وسى مانيپۋلياتسيالارعا بەرىلمەۋگە شاقىرامىز», دەيدى ول.
باعيلا بالتاباەۆانىڭ سوزىنشە, «بوستاندىق» ۇرانىمەن بالالاردىڭ ساناسىنا ىقپال ەتۋگە جول اشۋ – بۇل ديالوگ ەمەس, ۇلتتىق قۇندىلىقتار جۇيەسىنە كورسەتىلگەن قىسىم.
«بۇگىن ءبىز وتباسى تۇراقتىلىعى مەن قوعامنىڭ تۇتاستىعىن, ۇرپاقتار ساباقتاستىعىن ساقتاپ قالۋ سياقتى ماڭىزدى مىندەتكە تاپ بولىپ وتىرمىز. سوندىقتان ۇسىنىلىپ وتىرعان تۇزەتۋلەردى «قۇقىقتاردى شەكتەۋ» دەپ كورسەتۋ – ماسەلەنى ادەيى بۇرمالاپ, ەموتسيالىق اسەر بەرۋگە باعىتتالعان ءتاسىل. تاعى دا اتاپ وتكىمىز كەلەدى: بۇل تۇزەتۋلەر ەشبىر ازاماتتىڭ قۇقىعىن شەكتەۋگە ارنالماعان. قازاقستان – ءار ادام جەكە ومىرىنە, قادىر-قاسيەتىنە جانە قاۋىپسىزدىگىنە قۇقىلى مەملەكەت. الايدا مەملەكەت بالالاردى قورعاۋعا مىندەتتى», دەيدى.
وسىعان بايلانىستى قوعام بەلسەندىسى:
- لگبت-پروپاگاندانى شەكتەۋگە باعىتتالعان تۇزەتۋلەردى قولداۋدى;
- مانيپۋلياتسيالىق اقپاراتتىق قىسىمعا بوي الدىرماۋدى;
- قانداي جاعداي بولسا دا, تاباندى جانە تۇراقتى ۇستانىم ساقتاۋدى سۇرايدى.
