جۇرتشىلىقتى جۇمىسپەن قامتۋعا جاردەمدەسۋ, جۇمىسشى ماماندىقتارىنىڭ مارتەبەسىن ارتتىرۋ, سونداي-اق جۇمىس بەرۋشىلەر مەن جۇمىس ىزدەۋشىلەر اراسىندا تىكەلەي بايلانىس ورناتۋعا مۇمكىندىك بەرۋدى ماقسات ەتكەن يگى شاراعا قۇرىلىس, ونەركاسىپ, ءبىلىم بەرۋ, مەديتسينا جانە باسقا دا سالالار بويىنشا 1 247 جۇمىس ورنىنا 221 بوس جۇمىس ورنىن ۇسىنعان 70-تەن استام كومپانيا قاتىستى.
جارمەڭكەگە كەلگەندەر جۇمىس بەرۋشىلەرمەن تىكەلەي سۇحباتتاسىپ, بوس جۇمىس ورىندارى تۋرالى اقپارات الىپ, جۇمىسپەن قامتۋ جانە كاسىپتىك وقىتۋ باعدارلامالارى جونىندە كەڭەس الدى. اسىرەسە, سۇرانىسقا يە ماماندىقتاردى مەڭگەرگىسى كەلەتىن ازاماتتارعا كاسىبي قايتا دايارلاۋ جانە بىلىكتىلىكتى ارتتىرۋ باعدارلامالارىنا ەرەكشە نازار اۋدارىلدى مۇنداي ءىس-شارالار حالىقتى جۇمىسپەن قامتۋعا, ەڭبەك الەۋەتىن ارتتىرۋعا جانە جۇمىسشى ماماندىقتارىنىڭ وڭ ءيميدجىن قالىپتاستىرۋعا ىقپال ەتەدى.
الماتى
