سۋرەت: kaz.zakon.kz
ولاردىڭ كىتاپتارى ەكى-اق مىڭ تيراجبەن شىعادى. سونى ەكى مىڭ قازاقتىڭ ءوزى دە وقىمايدى, كىتاپحانالاردا شاڭ باسىپ جاتىر. «ادامدى ادام ەتكەن كىتاپ, ادامزات ەتكەن – كىتاپحانا» دەگەن ءابىش اۋليەنىڭ ءسوزى قالدى, ءوزى – جوق!
اتامزاماننان – وسى پارودوكس! قازاق حالقى قازاق پوەزياسىنان, كەم دەگەندە 40-50 جىل كەيىن قالىپ قويدى. ءبىزدىڭ ادەبيەت وقىرمانى جوق ادەبيەت; حاكىم اباي ازەر قالىپقا تۇسىرگەن وقىرمان قازاق تىڭدارمان قازاققا اينالىپ كەتكەلى قاشان؟ ءبارىمىزدىڭ ماڭدايىمىزعا جازىلعان تاعدىر-تالانىمىز وسىنداي بوپ تۇر. ءبىز قازىر ءححى عاسىر ەمەس, ءحىح عاسىردا عۇمىر كەشىپ ءجۇرمىز! ولاردى كوزىمەن ءتىنتىپ, كوڭىلىمەن تۇشىنىپ وقىماعان قازاق كۇندەردىڭ كۇنى ۇلاعاتتى ۇلتتان توپاس توبىرعا اينالىپ كەتۋى مۇمكىن, اقىننان ايىرىلىپ قالدىق دەپ, قابىرعاسى قاقىراپ جاتقان ەلدىڭ قۇلاعىنا التىن سىرعا; ۇلتتىق تراگەديا وسى عوي.
حوش, جۇلدىزداردىڭ ىشىندەگى جارىعى, ارۋلاردىڭ ىشىندەگى اياۋلىسى كۇلاش اپاي! سىزگە ەندى تۇكتىڭ دە كەرەگى جوق, ءسىز اقىندىق ميسسياڭىزدى ابىرويمەن اتقارىپ, ماڭىگىلىككە بەت الدىڭىز, اللا الدىڭىزدان جارىلقاسىن! ارمان جوق سىزدە! ارمان – بىزدە... عافۋ ەتىڭىز ءبىزدى!
سەرىك اقسۇڭقار ۇلى,
مەملەكەتتىك سىيلىقتىڭ لاۋرەاتى
