كەلەسى جىلى الەۋمەتتىك تولەمدەر الۋعا مەملەكەت بيۋدجەتىنەن قانشا قارجى بولىنەدى؟

قازاقستان بيۋدجەتىنىڭ نەگىزگى باعىتتارى:

• الەۋمەتتىك قورعاۋ جانە دەنساۋلىق ساقتاۋ;
• ءبىلىم بەرۋ;
• ەكونوميكالىق دامۋ;
• ينفراقۇرىلىم جانە كولىك;
• قاۋىپسىزدىك جانە قورعانىس;
• اۋىل شارۋاشىلىعى;
• ەكولوگيا جانە قورشاعان ورتانى قورعاۋ;
• مادەنيەت جانە سپورت;
• مەملەكەتتىك باسقارۋ;
• مەملەكەتتىك قارىزدى وتەۋ جانە مەملەكەتتىك باعدارلامالاردى قارجىلاندىرۋ.

بۇل قاراجاتتارعا زەينەتاقى مەن الەۋمەتتىك تولەمدەر, مەديتسينالىق جابدىقتار مەن ءدارى-دارمەكتەر, دەنساۋلىق ساقتاۋ ينفراقۇرىلىمىن دامىتۋ, حالىققا مەديتسينالىق قىزمەتتىڭ قولجەتىمدىلىگىن قامتاماسىز ەتۋ كىرەدى. ءبىلىم بەرۋ سالاسىنا مەكتەپتەر مەن ۋنيۆەرسيتەتتەردى سالۋ جانە جاڭارتۋ, پەداگوگتاردى دايارلاۋ, وقۋ باعدارلامالارىن ازىرلەۋ جانە وقۋ قۇرالدارىن ساتىپ الۋ جاتادى.

بيۋدجەت شاعىن جانە ورتا بيزنەستى قولداۋعا, ينفراقۇرىلىمدىق جوبالاردى ىسكە اسىرۋعا, ينۆەستيتسيالاردى ىنتالاندىرۋعا جانە جۇمىس ورىندارىن قۇرۋعا باعىتتالادى. ينفراقۇرىلىم جانە كولىك سالاسى جولدار, تەمىرجولدار, اۋەجايلار, پورتتار قۇرىلىسىن جانە جوندەۋ جۇمىستارىن, ەنەرگەتيكا مەن سۋمەن قامتاماسىز ەتۋ ينفراقۇرىلىمىن دامىتۋعا جۇمسالادى.

بيۋدجەت قاراجاتتارى قارۋلى كۇشتەردى جانە قۇقىق قورعاۋ ورگاندارىن قولداۋعا, قوعامدىق قاۋىپسىزدىكتى قامتاماسىز ەتۋگە, قىلمىسپەن كۇرەسكە باعىتتالادى. اۋىل شارۋاشىلىعىن قارجىلاندىرۋ تۇقىم مەن تىڭايتقىش ساتىپ الۋعا, سۋبسيديا بەرۋگە, اگروينفراقۇرىلىمدى دامىتۋعا جۇمسالادى.

ەكولوگيا باعىتى تابيعي رەسۋرستاردى قورعاۋ, لاستانۋعا قارسى شارالار جانە ەكولوگيالىق تەحنولوگيالاردى دامىتۋ بويىنشا قارجىلاندىرىلادى. مادەنيەت پەن سپورتقا مادەني جانە سپورتتىق ءىس-شارالار, نىسانداردى سالۋ جانە جاڭارتۋ, مادەني باستامالاردى قولداۋ كىرەدى.

مەملەكەتتىك باسقارۋ باعىتىندا مەملەكەتتىك ورگانداردىڭ جۇمىسى, اكىمشىلىك شىعىستار, مەملەكەتتىك قىزمەتشىلەر جالاقىسى, مەملەكەتتىك قارىزداردى وتەۋ جانە الەۋمەتتىك قولداۋعا ارنالعان باعدارلامالار بار.

2026 جىلعا ارنالعان كىرىستەر

كىرىستەر – 22,8 ترلن تەڭگە, ونىڭ 18,8 ترلن تەڭگەسى (80%) – سالىقتار.

• ققس – 10 ترلن تەڭگەدەن استام (2026 جىلدان مولشەرلەمە 12%-دان 16%-عا وسەدى).
• كورپوراتيۆتىك تابىس سالىعى – 5,2 ترلن تەڭگە (جاڭا مولشەرلەمەلەر ەنگىزىلەدى).
• تابيعي رەسۋرستاردى پايدالانۋ تولەمدەرى – 1 ترلن تەڭگە.
• ترانسفەرتتەر – 3,6 ترلن تەڭگە.

ترانسفەرتتەردىڭ ىشىندە:

• جەرگىلىكتى بيۋدجەتتەردەن – 879 ملرد تەڭگە (الماتى – 492 ملرد, استانا – 125 ملرد, اتىراۋ وبلىسى – 262 ملرد);
• ۇلتتىق قوردان – 2,7 ترلن تەڭگە.

2025 جىلدىڭ العاشقى جارتىسىندا قوردان 3,1 ترلن تەڭگە الىنعانى, ال تەك 1,8 ترلن تەڭگەگە تولىققانى اتاپ وتىلەدى. 2024 جىلى 5,6 ترلن تەڭگە الىنعان — بۇل تازا اكتيۆتەردىڭ شامامەن التىنشى بولىگى.

كەدەندىك تولەمدەر – 2,3 ترلن تەڭگە, ساۋداعا قاتىستى باسقا سالىقتار – 94 ملرد تەڭگە.
سالىقتىق ەمەس كىرىستەر – 330 ملرد تەڭگە: ديۆيدەندتەر, م ۇلىكتى جالعا بەرۋ, پايىزدار جانە باسقا دا تابىستار.
اكتسيزدەر – 151 ملرد تەڭگە.

قازاقستاننىڭ مەملەكەتتىك قارىزى 2026 جىلى 39,3 ترلن تەڭگەدەن اسپاۋى ءتيىس.

سالالار بويىنشا شىعىستار

دەنساۋلىق ساقتاۋ — 2,7 ترلن تەڭگە

• ءمامس ارقىلى – 2,4 ترلن;
• تەگىن مەديتسينالىق كومەك – 19 ملرد;
• قوعامدىق دەنساۋلىق ساقتاۋ – 39 ملرد;
• بالالاردى ەمدەۋ جانە ساۋىقتىرۋ – 1,5 ترلن;
• مەديتسينالىق ينفراقۇرىلىم جانە رەزەرۆ – 102 ملرد;
• دەنساۋلىق ساقتاۋ ساياساتى – 46 ملرد;
• عىلىمي زەرتتەۋلەر – 4,3 ملرد.

الەۋمەتتىك كومەك — 6,833 ترلن تەڭگە

• 6,805 ترلن – ازاماتتارعا ارنالعان تولەمدەر مەن قولداۋ;
• 26,9 ملرد – مەملەكەتتىك ساياسات جانە رەسپۋبليكالىق دەڭگەيدەگى الەۋمەتتىك كومەك.

ءبىلىم بەرۋ

• بارلىعى – 811 ملرد تەڭگە;
• وقۋ-اعارتۋ مينيسترلىگى – 82 ملرد:
  • مەكتەپتەردىڭ قولجەتىمدىلىگى – 57 ملرد;
  • تەحنيكالىق ماماندار دايارلاۋ – 6 ملرد;
  • مۇعالىمدەردى قايتا دايارلاۋ – 10 ملرد;
  • ءبىلىم ساياساتى – 6 ملرد;
• عىلىم جانە جوعارى ءبىلىم مينيسترلىگى – 588 ملرد;
• قالعان قاراجات – ءتۇرلى سالالارداعى كادرلاردىڭ بىلىكتىلىگىن ارتتىرۋ.

كولىك جانە جولدار — 738 ملرد تەڭگە

• جولداردى دامىتۋ – 48 ملرد;
• جوندەۋ – 44 ملرد;
• LRT (اۋەجاي – جاڭا ۆوكزال) – 66 ملرد;
• قالالىق رەلستى كولىك – 20 ملرد;
• تەمىرجول سۋبسيديالارى – 66 ملرد;
• ۆاگون ليزينگى – 86 ملرد;
• اۋە رەيستەرىن سۋبسيديالاۋ – 6 ملرد;
• مەملەكەتتىك م ۇلىكتى سەنىمگەرلىك باسقارۋ – 263 ملرد;
• شەكارا وتكىزۋ پۋنكتتەرى – 106 ملرد.

قوعامدىق ءتارتىپ جانە قاۋىپسىزدىك — 1,4 ترلن تەڭگە

• ۇقك – 672 ملرد;
• ءىىم – 500 ملرد (قۇقىق ءتارتىبى – 351 ملرد, تۇرمەلەر – 95 ملرد, ىزدەۋ – 22 ملرد, قۇجاتتار مەن نومىرلەر – 27 ملرد);
• تج جانە اسكەري دايارلىق — قالعان بولىگى.

مەملەكەتتىك اپپارات

• ۇكىمەت رەزەرۆى – 500 ملرد;
• كابينەت جۇمىسى – 4,8 ملرد;
• مەملەكەتتىك ورگاندار مەن ساياسات – شامامەن 1 ترلن;
• مەملەكەتتىك قارىزعا قىزمەت كورسەتۋ – 3,5 ترلن;
• سۋبۆەنتسيالار – 5 ترلن.

2026 جىلى ەڭ كوپ سۋبۆەنتسيا الاتىن ءوڭىر — تۇركىستان وبلىسى (1,137 ترلن), ەڭ ازى — پاۆلودار (5,8 ملرد).

استانا, الماتى جانە اتىراۋ وبلىسى — دونور ايماقتار, سوندىقتان سۋبۆەنتسيا المايدى.

بيۋدجەت جوباسى ماجىلىستە بەكىتىلىپ, پارلامەنتتە ءبىر اي ىشىندە قارالادى.