دەكلاراتسيا قر مەملەكەتتىك قىزمەت ىستەرى اگەنتتىگى مەن فرانتسۋز ۇلتتىق مەملەكەتتىك قىزمەت ينستيتۋتىنىڭ مەملەكەتتىك قىزمەت جۇيەسىن جەتىلدىرۋ, مەملەكەتتىك قىزمەتشىلەردىڭ قۇزىرەتتەرىن ارتتىرۋ جانە مەملەكەتتىك ساياسات سالاسىندا زاماناۋي تاسىلدەردى ەنگىزۋدى, ارىپتەستىك پەن تاجىريبە الماسۋدى كوزدەيدى.
ىنتىماقتاستىقتىڭ نەگىزگى باعىتتارىنا:
- مەملەكەتتىك ساياسات سالاسىنداعى مەملەكەتتىك قىزمەتشىلەر مەن مامانداردىڭ وقۋ باعدارلامالارى جانە قۇزىرەتتەرىن دامىتۋ;
- بىرلەسكەن زەرتتەۋ جوبالارى, سونداي-اق فورۋمدار, سيمپوزيۋمدار, كونفەرەنتسيالار جانە ساراپتامالىق كەزدەسۋلەر سياقتى عىلىمي جانە ساراپتامالىق ءىس-شارالاردى وتكىزۋ;
- وزىق تاجىريبە مەن بىلىكتىلىكتى ارتتىرۋ باعدارلامالارىمەن الماسۋ, ونىڭ ىشىندە مەملەكەتتىك قىزمەتشىلەرگە ارنالعان تاعىلىمدامالار كىرەدى.
دارحان جازىقباي دەكلاراتسيانىڭ ارىپتەستىكتى نىعايتۋداعى ماڭىزىن اتاپ ءوتىپ, «قازاقستان پرەزيدەنتىنىڭ ۇستانىمى – ادامعا باعدارلانعان جانە سەرۆيستىك مەملەكەتتىك قىزمەتتى قالىپتاستىرۋ.
وسى باعىتتا ءبىز حالىقارالىق ىنتىماقتاستىقتى, ونىڭ ىشىندە فرانتسۋز ارىپتەستەرىمىزبەن ديالوگتى كەڭەيتىپ كەلەمىز. ءبىزدىڭ ماقساتىمىز – ناقتى ناتيجەسىن بەرەتىن ءارى مەملەكەتتىك اپپاراتتىڭ تيىمدىلىگىن ارتتىرۋعا كومەكتەسەتىن شەشىمدەر ەنگىزۋ», – دەدى.
قول قويىلعان قۇجات مەملەكەتتىك قىزمەت سالاسىنداعى كاسىبي ىنتىماقتاستىقتى نىعايتا وتىرىپ, ءبىلىم, ءادىسناما جانە ۇزدىك تاجىريبە الماسۋدىڭ جاڭا مۇمكىندىكتەرىن اشادى دەپ كۇتىلۋدە.
