گرانتتىق كونكۋرسقا قۇجات وتكىزۋدىڭ ءۇشىنشى لەگىندە 398 ءوتىنىم قابىلدانعان. كوميسسيانىڭ وڭ شەشىمىن العاندار قاتارىندا 52 جەكە كاسىپكەر, 47 جۇمىسسىز ازامات بار. جالپى, جىل باسىنان بەرى شاھاردا 432 ادام قايتارىمسىز گرانتتىڭ يەگەرى اتاندى.
جەڭىمپازداردىڭ كوپشىلىگىن الەۋمەتتىك وسال توپتىڭ وكىلدەرى قۇرايدى. ولار – كوپبالالى وتباسىلار, مۇگەدەكتىگى بار ازاماتتار, ەرەكشە بالانى تاربيەلەپ وتىرعان اتا-انالار, اسىراۋشىسىنان ايرىلعان ادامدار جانە اتاۋلى الەۋمەتتىك كومەك الۋشىلار. گرانت قارجىسىنا جۇزەگە اساتىن جوبالار قالا ەكونوميكاسىن دامىتۋعا, قوسىمشا جۇمىس ورىندارىن قۇرۋعا سەپ بولماق. كونكۋرسقا قاتىسۋ ءۇشىن ەnbek.business.kz پورتالىنا ءوتىنىش تاستاۋ كەرەك. ۇمىتكەرلەر بيزنەس-جوبالارىن ونلاين تىركەپ, كەيىن كوميسسيا الدىندا قورعايدى.
جاۋاپتى مامانداردىڭ ايتۋىنشا, گرانت ازاماتتاردى كاسىپكەرلىككە ىنتالاندىرۋ, جاڭا جۇمىس ورىندارىن اشۋ, ەكونوميكانى العا جىلجىتۋ ءۇشىن قاجەت. مەملەكەتتەن بەرىلگەن قارجى قايتارىمسىز بولعانىمەن, ونىڭ ماقساتتى جۇمسالۋى قاتاڭ باقىلانادى. ەڭبەك موبيلدىلىگى ورتالىعىندا ارنايى مونيتورينگ توبى جۇمىس ىستەپ, جوبالاردىڭ ىسكە اسۋىن قاداعالايدى. ەگەر قارجى ماقساتسىز جۇمسالسا, ول مەملەكەتكە قايتارىلادى.
