فوتولار: ەلوردا اكىمدىگى
بارلىعى 14 سپورتشى قاتىسقان استانا قالاسى كومانداسى جالپى كوماندالىق ەسەپتە ەكىنشى ورىن الدى.
«بۇل دودادا التىن, كۇمىس, قولا العاندار حالىقارالىق جارىستارعا قاتىسادى. سونداي-اق ەڭ باستى ماقسات – 2028 جىلى بوچچادان پاراليمپياداعا قاتىسۋ. پاراليمپيادا ىشىندە كوپتەگەن سپورت ءتۇرى بار. جارىستار 4 كۇن بويى ءوتتى. ولار گراموتالارمەن, مەدالدارمەن, كۋبوكتارمەن ماراپاتتالادى», دەدى ماراپاتتاۋ راسىمىندەگى سوزىندە بوچچا فەدەراتسياسىنىڭ ۆيتسە-پرەزيدەنتى نازىم جانعازينوۆا.
ەلوردا اكىمدىگىنىڭ رەسمي سايتىنىڭ مالىمەتىنشە, ءدۇبىرلى دوداعا استانا, الماتى, شىمكەنت قالالارى جانە باتىس قازاقستان, اتىراۋ, ماڭعىستاۋ, اقتوبە, سولتۇستىك قازاقستان, قاراعاندى, جامبىل, تۇركىستان, جەتىسۋ, پاۆلودار, شىعىس قازاقستان, اباي وبلىستارى, ياعني 15 وڭىردەن كەلگەن 120-عا جۋىق پاراسپورتشى قاتىسقان.
بوچچا – دوپ ويىنى, تىرەك-قوزعالىس اپپاراتىنىڭ ەڭ اۋىر بۇزىلىستارى بار بالالار مەن ەرەسەكتەرگە ءوزىن-ءوزى جەتىلدىرۋگە مۇمكىندىك بەرەتىن بىرنەشە پاراليمپيادالىق سپورت ءتۇرىنىڭ ءبىرى.
قازاقستاندا بوچچا سپورتىنىڭ رەسمي دامۋى 2021 جىلى باستالدى. ءدال سول جىلى «قازاقستان بوچچا فەدەراتسياسى» رەسپۋبليكالىق قوعامدىق بىرلەستىگى قۇرىلىپ, ەلىمىزدى حالىقارالىق ارەنادا تانىتىپ, ۇلتتىق چەمپيوناتتار مەن كۋبوكتەردى ۇيىمداستىرۋدى قولعا الدى.
