ستۋدەنتەردىڭ تەوريالىق ءبىلىمىن تاجىريبەمەن ۇشتاستىرۋعا, عىلىمي زەرتتەۋ جۇمىستارىن جۇرگىزۋگە ارنالعان اگروبيوستانتسيا الماتى وبلىسى ەڭبەكشىقازاق اۋدانى جاڭاشار اۋىلىندا ورنالاسقان. 38 گەكتاردان استام اۋماقتى قامتيتىن كەشەن ستۋدەنتتەرگە وقۋ-تاجىريبەلىك ساباقتارىن وتكىزۋگە, عىلىمي جوبالاردى جۇزەگە اسىرۋعا جانە جاڭا اگروتەحنولوگيالاردى سىناقتان وتكىزۋگە مۇمكىندىك بەرەدى. زاماناۋي وقۋ-زەرتحانالىق بازادا زەرتحانالار, 60 ادامعا ارنالعان جاتاقحانا, اسحانا, جۋىناتىن بولمەلەر, سپورت الاڭدارى مەن كولىك تۇراعى قاراستىرىلعان.
ء«بىلىم وردامىز تاعى ءبىر جاڭا نىسانمەن تولىقتى. اگروبيوستانتسيا – تەوريا مەن تاجىريبەنىڭ سينتەزى. سوندىقتان مۇنداي نىساننىڭ اشىلۋى ۋنيۆەرسيتەتىمىزدەگى عىلىمنىڭ دامۋىنا سەپتىگىن تيگىزەدى. بولاشاقتا بۇل جەردە تاجىريبەلىك جۇمىستار, عىلىمي زەرتتەۋجۇمىستارى قىزۋ جۇرەدى دەپ سەنەمىن», دەدى اباي اتىنداعى قازۇپۋ باسقارما توراعاسى-رەكتورى بولات تىلەپ.
جاراتىلىستانۋ جانە گەوگرافيا فاكۋلتەتىندە وقيتىن ستۋدەنتتەر اگروبيوستانتسيادا تاجىريبەلىك ساباقتارمەن اينالىسىپ, ماگيسترانتتار مەن دوكتورانتتار عىلىمي زەرتتەۋ جۇرگىزەدى. جوبالار توپىراق پەن سۋ رەسۋرستارىن ءتيىمدى پايدالانۋ, اۋىل شارۋاشىلىعى داقىلدارىن زەرتتەۋ, بيولوگيا, ەكولوگيا, گەوگرافيا سەكىلدى وقۋ باعدارلامالارى بويىنشا جاڭا تەحنولوگيالاردى سىناۋ باعىتتارى بويىنشا وتكىزىلەدى.
«بۇگىن جاراتىلىستانۋ جانە گەوگرافيا فاكۋلتەتى ءۇشىن ەڭ قۋانىشتى كۇن. ءبىلىم الۋشىلار ءۇشىن تەوريا مەن تاجىريبەنى ۇيلەستىرىپ, ءبىلىمىن تەرەڭدەتىپ, عىلىمعا قىزۋعىشىلىعىن ارتتىراتىن بازا پايدا بولدى. ينفراقۇرىلىمدىق ۇلكەن بازادا ستۋدەنتتەر مەن جەتەكشىلەردىڭ عىلىممەن اينالىسۋىنا قولايلى جاعداي جاسالعان. اگروبيوستانتسيانىڭ جۇمىسىن جانداندىرىپ, عىلىمي-ادىستەمەلىك ورتالىققا اينالدىرۋ ءبىزدىڭ ۇجىم مەن ستۋدەنتتەردىڭ قولىندا دەپ ويلايمىن», دەدى جاراتىلىستانۋ جانە گەوگرافيا فاكۋلتەتىنىڭ دەكانى كۇلاش كايمۋلدينوۆا.
