الايدا, مۇنىمەن قاتار ينتەرنەت-الاياقتىق سالاسىنداعى قىلمىستاردىڭ ءتۇرلى ءادىس-تاسىلدەرى دە قارقىندى دامۋ ۇستىندە.
االاياقتار جىلدام دامىپ كەلە جاتقان جاساندى ينتەللەكت مۇمكىندىكتەرىن بەلسەندى پايدالانىپ, بەينەلەر, اۋديوجازبالار جانە ادامداردىڭ بەت-الپەتى مەن داۋىسىن ءدال بەرەتىن كەسكىندەر جاسايدى.
الەۋمەتتىك جەلىلەردە زەينەتاقى جيناقتارىن ءار ءتۇرلى وبليگاتسيالارعا, اكتسيالارعا جانە قارجىلىق وپەراتسيالارعا سالۋ تۋرالى شىندىققا سايكەس كەلمەيتىن جارنامالارى مەن ۇسىنىستارى بار روليكتەر ءجيى تارالىپ جاتىر.
ازاماتتاردىڭ رەسمي قۇرىلىمدارعا دەگەن سەنىمىن پايدالانا وتىرىپ, الاياقتار پسيحولوگيالىق قىسىم كورسەتىپ, جەكە جانە قارجىلىق اقپاراتقا قول جەتكىزۋ ماقساتىندا وزدەرىن كوبىنەسە مەملەكەتتىك ورگانداردىڭ, بانكتەردىڭ, قۇقىق قورعاۋ ورگاندارىنىڭ, بايلانىس وپەراتورلارىنىڭ جانە باسقا ۇيىمداردىڭ, سونىڭ ىشىندە بىرىڭعاي جيناقتاۋشى زەينەتاقى قورىنىڭ قىزمەتكەرلەرى رەتىندە تانىستىرادى.
وسىعان بايلانىستى, «بجزق» اق زەينەتاقى اكتيۆتەرىن ينۆەستيتسيالاۋمەن ۇلتتىق بانك اينالىساتىنىن ەسكە سالادى. ول ۇكىمەت بەكىتكەن ينۆەستيتسيالىق دەكلاراتسياعا سايكەس زەينەتاقى جيناقتارىن ار ءتۇرلى قارجى قۇرالدارىنا سالاتىن سەنىمدى باسقارۋشى رەتىندە ارەكەت ەتەدى. زەينەتاقى اكتيۆتەرىن باسقارۋعا قرۇب-تان باسقا ينۆەستيتسيالىق پورتفەلدى باسقارۋشىلار (يپب) قاتىسا الادى, ولارعا جيناقتاردىڭ ءبىر بولىگىن اۋدارۋعا مۇمكىندىك بار. يپب-نىڭ باسقارۋىنا اۋدارۋدى تەك «بجزق» اق پورتالى ارقىلى جاساۋعا بولادى, بۇل ءۇشىن ەشقانداي دەلدال قاجەت ەمەس.
الاياقتىق ارەكەتتەردىڭ الدىن الۋ ماقساتىندا جانە ءسىزدىڭ قاۋىپسىزدىگىڭىز ءۇشىن «بجزق» اق تومەندەگىلەردى ەسكەرتەدى:
- زەينەتاقى تولەمدەرىن راسىمدەۋ ءۇشىن ەشقانداي دەلدالدىڭ كومەگى قاجەت ەمەس, كوميسسيالىق تولەم الىنبايدى;
- بجزق قىزمەت كورسەتكەنى ءۇشىن وتەماقى المايدى, بارلىق تولەمدەر قاتاڭ تۇردە زاڭ اياسىندا جۇزەگە اسىرىلادى;
- جيناقتاردىڭ ءبىر بولىگىن تۇرعىن ۇيگە نەمەسە ەمدەلۋ اقىسىن تولەۋ ماقساتىندا پايدالانۋ تەك ۋاكىلەتتى وپەراتور (ەكىنشى دەڭگەيدەگى بانكتەر) ارقىلى جۇزەگە اسىرىلادى;
- مەملەكەتتىك ورگانداردىڭ, بانكتەردىڭ, قۇقىق قورعاۋ قۇرىلىمدارىنىڭ, بايلانىس وپەراتورلارىنىڭ جانە بجزق-نىڭ قىزمەتكەرلەرى تەلەفون, ەلەكتروندىق پوشتا نەمەسە مەسسەندجەرلەر ارقىلى دەربەس دەرەكتەردى, بانك كارتالارىنىڭ دەرەكتەمەلەرىن, SMS-كودتاردى جانە وزگە دە قۇپيا اقپاراتتى ەشقاشان تالاپ ەتپەيدى;
- ەگەر قوڭىراۋ شالۋشى ءسىزدىڭ اتى-ءجونىڭىزدى, تۇرعىلىقتى مەكەنجايىڭىزدى جانە جۇمىس ورنىڭىزدى بىلسە, ول ونىڭ رەسمي تۇلعا ەكەندىگىن بىلدىرمەيدى. قاجەتتى دەرەكتەردىڭ بارلىعىن ءتۇرلى تاسىلدەرمەن الۋعا بولادى.
- «بجزق» اق قىزمەتكەرلەرى ءوز جيناقتارىن اۋدارۋ, قارجى قۇرالدارىنا سالۋ, سونداي-اق قانداي دا ءبىر اكتسيالار ساتىپ الۋ تۋرالى ۇسىنىستار جاسالاتىن ءتۇرلى روليكتەرگە قاتىسپايدى.
بجزق اقپاراتتى رەسمي كوزدەردەن الۋدى جانە تەك زاڭ شەڭبەرىندە ارەكەت ەتۋدى قاتاڭ ەسكەرتتى.
