كولىك-ترانزيت سالاسى
سولتۇستىك – وڭتۇستىك», ترانسكاسپي حالىقارالىق كولىك باعدارى, «اياگوز – باقتى», «دوستىق – مويىنتى» تەمىرجول جەلىلەرى جانە باسقا دا جوبالاردىڭ مۇمكىندىگىن كەزەڭ-كەزەڭىمەن كەڭەيتۋگە كەلىستى.
ترانسشەكارالىق لوگيستيكا ينفراقۇرىلىمىن جاقسارتۋ, شەكاراداعى وتكىزۋ بەكەتتەرىنىڭ جۇمىسىن جەتىلدىرۋ ماڭىزدى ەكەنىن اتاپ ءوتتى.
«ترانسالتاي ديالوگى» پەرسپەكتيۆتى باستاماسىن ودان ءارى ىلگەرىلەتۋگە نيەتتى.
اتالعان فورمات قازاقستان, رەسەي, قىتاي جانە موڭعوليا اراسىنداعى تاتۋ كورشىلىك پەن ءوزارا ءتيىمدى ىنتىماقتاستىقتى كەڭەيتەتىن وڭتايلى الاڭ بولادى.
ەنەرگەتيكا
سوڭعى جىلدارى بۇل باعىتتا ايتارلىقتاي پروگرەسكە قول جەتكىزىلدى.
«روساتوم» كومپانياسىمەن ەلىمىزدەگى العاشقى اەس قۇرىلىسى بويىنشا ناتيجەلى جۇمىس اتقارىلىپ جاتىر.
تاراپتار مۇناي مەن ونىڭ ونىمدەرىن, كومىر, ەلەكتر ەنەرگياسىن ءوندىرۋ, تاسىمالداۋ جانە جەتكىزۋ باعىتتارىنداعى سەرىكتەستىكتى نىعايتۋعا كەلىستى.
گاز سالاسىنداعى ىنتىماقتاستىق پەرسپەكتيۆاسىن, اتاپ ايتقاندا, قازاقستاننىڭ رەسەيمەن شەكارالاس وڭىرلەرىن كوگىلدىر وتىنمەن قامتۋ, سونداي-اق ءۇشىنشى ەلدەرگە تاسىمالداۋ ماسەلەلەرىن ەگجەي-تەگجەيلى تالقىلادى.
ەكونوميكالىق ءوسىمنىڭ جاڭا باعىتتارى
ساپار اياسىندا قول قويىلعان بىرقاتار قۇجات ەلدەرىمىزدىڭ عارىشتى يگەرۋ, اتوم ەنەرگياسىن, ارنايى ەكونوميكالىق ايماقتاردى جانە كرەاتيۆتى يندۋستريانى دامىتۋ بويىنشا ايتارلىقتاي ىلگەرىلەۋىنە مۇمكىندىك بەرەدى.
ءىت سەكتورىنىڭ بولاشاعى زور. قازاقستاننىڭ بۇل سالادا تاجىريبەسى مول.
مادەني-گۋمانيتارلىق بايلانىستار
گاسترولدەر, كورمەلەر, كونتسەرتتەر مەن سپورتتىق جارىستار سەكىلدى ءىس-شارالار ءجيى ۇيىمداستىرىلادى.
جۋىردا ماسكەۋدە قازاقستاننىڭ رەسەيدەگى مادەنيەت كۇندەرى تابىستى ءوتتى.
بۇعان دەيىن مادەنيەت كۇندەرى اياسىندا ەلىمىزدىڭ ونەر قايراتكەرلەرى ياكۋتيا مەن قازانعا بارىپ قايتتى.
بيىل مامىر ايىندا استانادا «قازاقستان مەن رەسەيدىڭ ماڭگىلىك دوستىعى اللەياسى», ال كەشە ماسكەۋدە «قازاقستان-رەسەي دوستىعى سكۆەرى» اشىلدى.
ماسكەۋ كوشەلەرىنىڭ بىرىنە شوقان ءۋاليحانوۆتىڭ ەسىمى بەرىلدى.
ماسكەۋدە قازاق اقپاراتتىق-مادەني ورتالىعىن اشۋ جوسپارلانىپ وتىر.
ءبىلىم بەرۋ جانە سپورت
قازاقستاندا رەسەيدىڭ 9 جەتەكشى جوعارى وقۋ ورنىنىڭ فيليالدارى تابىستى جۇمىس ىستەپ تۇر.
بيىل ماسكەۋ مەملەكەتتىك حالىقارالىق قاتىناستار ينستيتۋتىنىڭ استاناداعى فيليالى, ءال-فارابي اتىنداعى قازاق ۇلتتىق ۋنيۆەرسيتەتىنىڭ ومبى قالاسىنداعى فيليالى اشىلدى.
ەلىمىزدە رەسەيدىڭ مەديتسينالىق جوعارى وقۋ ورنىنىڭ وكىلدىگىن اشۋ ماسەلەسى پىسىقتالىپ جاتىر.
ەكى ەلدىڭ ءبىلىم بەرۋ ستاندارتتارى ەسكەرىلگەن مەكتەپتەر سالۋ جوباسى ىسكە اسىرىلادى.
الماتىدا دەمەۋشىلەردىڭ قولداۋىمەن رەسەيلىك تانىمال «سيريۋس» مەكتەبىنىڭ فيليالى اشىلادى.
قازاقستاندا ورىس مادەنيەتى مەن ءتىلىن ىلگەرىلەتۋگە ءتيىستى نازار اۋدارىلادى. بۇل ماڭىزدى ىسكە ەلىمىزدىڭ باستاماسىمەن قۇرىلعان حالىقارالىق ورىس ءتىلى ۇيىمى ءوز ۇلەسىن قوسىپ كەلەدى.
