فوتو: اۋىل شارۋاشىلىعى مينيسترلىگى
جۇمىس رەسپۋبليكالىق, وبلىستىق, اۋداندىق دەڭگەيلەردە جۇيەلى تۇردە جۇرگىزىلدى. جەردى قايتا ءبولۋ جونىندە قۇرىلعان رەسپۋبليكالىق كوميسسيانىڭ 3 جانە وبلىستىق جۇمىس توپتارىنىڭ 42 وتىرىسى ءوتىپ, تەكسەرۋ ناتيجەلەرى مەن الداعى شارالار تالقىلاندى.
تەكسەرۋلەر 2,2 ملن گەكتار جەردى قامتىعان: 1,8 ملن گەكتار بويىنشا 1 286 ۇيعارىم بەرىلگەن, 281,4 مىڭ گەكتار جەرگە قاتىستى سوت پروتسەستەرى جالعاسىپ جاتىر. ال بۇرىن پايدالانىلماعان 464,7 مىڭ گەكتار جەردى جەر پايدالانۋشىلار ءوز بەتىمەن يگەرە باستادى.
مەملەكەت باسشىسى جولداۋىندا «جەر يەسىز قالماۋى كەرەك, ونى تەك ونىڭ قادىرىن بىلەتىندەرگە بەرۋ قاجەت» دەپ اتاپ ايتقانى ءمالىم. قايتارىلعان جەرلەردىڭ 704,7 مىڭ گەكتارى حالىققا بەرىلدى: ونىڭ ىشىندە 176,6 مىڭ گەكتارى – قوعامدىق جايىلىمدار, 528,1 مىڭ گەكتارى – اۋىل شارۋاشىلىعى تاۋار وندىرۋشىلەرىنە كونكۋرس ارقىلى ءبولىندى.
سالا مينيسترلىگىنىڭ مالىمەتىنشە, جوسپاردىڭ مەرزىمىنەن بۇرىن ورىندالۋى جەر رەسۋرستارىمەن جۇمىس ىستەۋدىڭ تيىمدىلىگىن, جەردى ۇتىمدى پايدالانۋ ءۇشىن جاعداي جاسالعانىن جانە اۋىل شارۋاشىلىعىنىڭ ودان ءارى دامۋىنا سەرپىن بەرىلگەنىن كورسەتەدى.
«جەر اماناتى» كوميسسياسى مەن «AMANAT» پارتياسى پروتسەسستىڭ اشىقتىعىن جانە قوعامنىڭ قاتىسۋىن قامتاماسىز ەتتى.
