فوتو: اشىق دەرەككوز
«BBC-دەگى باستى تۇلعالار, سونىڭ ىشىندە باستىعى تيم دەيۆي 6 قاڭتارعا قاتىستى مەنىڭ وتە جاقسى ء(مىنسىز!) ءسوزىمدى بۇرمالاپ تاستاعانى ءۇشىن قىزمەتىنەن كەتىپ جاتىر/جۇمىستان شىعارىلدى. The Telegraph-قا وسى جەمقور «تىلشىلەردى» اشكەرەلەگەنى ءۇشىن راحمەت. بۇلار پرەزيدەنت سايلاۋىنىڭ قورىتىندىسىنا اسەر ەتۋگە تىرىسقان وپاسىز ادامدار. وعان قوسا, ولار كوپشىلىك ءبىزدىڭ ءبىرىنشى وداقتاسىمىز دەپ سانايتىن باسقا ەلدەن. دەموكراتيا ءۇشىن قانداي قورقىنىشتى», دەپ جازدى ترامپ Truth Social-دا.
The Daily Telegraph مالىمەتىنشە, BBC Panorama باعدارلاماسىندا ترامپ ءسوزى اقش كاپيتوليىن باسىپ الۋعا شاقىرعانداي ەتىپ كورسەتىلگەن. ال شىن مانىندە, ول ازاماتتىق كوزقاراستى بەيبىت جولمەن ءبىلدىرۋ قاجەتتىلىگىن ايتقان. اق ءۇيدىڭ ءباسپاسوز حاتشىسى كەرولاين ليۆيتت BBC-ءدى جالعان اقپارات تاراتتى دەپ سىناعان.
بۇعان دەيىن تيم دەيۆي 2021 جىلدىڭ 6 قاڭتارىنا قاتىستى داۋدان كەيىن باس ديرەكتور قىزمەتىنەن كەتەتىنىن حابارلاعان, ال جاڭالىقتار ءبولىمىنىڭ باسشىسى دەبورا تەرنەسس تە قىزمەتتەن كەتكەن.
