وتىرىس بارىسىندا تاراپتار كولىككە قاتىستى ءوزارا ءىس-قيمىل ماسەلەسىن كەڭىنەن تالقىلادى. اتاپ ايتقاندا, قىركۇيەكتە دوستىق – مويىنتى ۋچاسكەسىندە ەكىنشى جولداردىڭ ىسكە قوسىلۋىنا جانە قىتاي – ەۋروپا – قىتاي باعىتى ترانزيتىندەگى جوسپارداعى وسۋگە بايلانىستى تەمىرجول تاسىمالى كولەمىن ۇلعايتۋ پەرسپەكتيۆاسى قارالدى.
قازاقستان-رەسەي وتكىزۋ پۋنكتى ارقىلى وتەتىن جۇكتەردىڭ پەرسپەكتيۆالىق كولەمىن بىرلەسىپ باعالاۋ تۋرالى, سونداي-اق ەكىجاقتى جانە ترانزيتتىك قاتىناستاعى جۇك اعىنىن ۇلعايتۋ ءۇشىن «سولتۇستىك-وڭتۇستىك» حالىقارالىق كولىك ءدالىزىن دامىتۋعا ودان ءارى جاردەمدەسۋ تۋرالى ۋاعدالاستىققا قول جەتكىزىلدى.
قازاقستاندىق تاراپ سونداي-اق 2025 جىلعى 1 قاڭتاردان باستاپ كۇشىنە ەنگەن رەسەيدىڭ كوشى-قون زاڭناماسىنداعى وزگەرىستەرگە بايلانىستى قازاقستاندىق اۆتوتاسىمالداۋشىلاردىڭ پروبلەمالارى تۋرالى ماسەلەنى كوتەردى. جاڭا نورمالارعا سايكەس, شەتەلدىك ازاماتتاردىڭ رەسەيدە تىركەۋسىز بولۋ مەرزىمى ءبىر جىل ىشىندە 180-دەن 90 كۇنگە دەيىن قىسقاردى. رەسەي تاراپى حالىقارالىق تاسىمالدى جۇزەگە اسىراتىن قازاقستاندىق جۇرگىزۋشىلەردىڭ بۇرىنعى بولۋ مەرزىمىن 180 كۇنگە دەيىن قايتارۋ جونىندەگى ماسەلەنى تەز ارادا شەشۋگە جاردەمدەسۋگە دايىن ەكەنىن ءبىلدىردى.
اگروونەركاسىپتىك كەشەن ماسەلەسىنە ەرەكشە نازار اۋدارىلدى. تاراپتار جوعارى ونىمدىلىگى, سىرتقى فاكتورعا توزىمدىلىگى جانە جاقسارتىلعان ساپالىق سيپاتتامالارى بار اۋىل شارۋاشىلىعى داقىلىنىڭ باسەكەگە قابىلەتتى جاڭا سورتتارىن قۇرۋ جونىندەگى بىرلەسكەن جۇمىستى تالقىلادى.
اۋىل شارۋاشىلىعى ونىمدەرىمەن, ازىق-ت ۇلىكپەن ءوزارا ساۋدا كولەمىن كەڭەيتۋ تۋرالى ۋاعدالاستىققا قول جەتكىزىلدى.
رەسەي تاراپى قازاقستاننان زىعىر مەن جاسىمىق تۇقىمىن اكەلۋگە فيتوسانيتارلىق شەكتەۋدى الىپ تاستاۋ ماسەلەسىن قاراستىرۋعا, سونداي-اق رەسەي اۋماعىندا جيناقتالعان استىق پەن بۇرشاق داقىلىنىڭ ءترانزيتىن قامتاماسىز ەتۋگە دايىن ەكەنىن ءبىلدىردى.
وتىرىس بارىسىندا وتىن-ەنەرگەتيكا كەشەنى, قارجى, مۇناي جانە گاز, ونەركاسىپ, اتوم ەنەرگەتيكاسى, ستاندارتتاۋ جانە مەترولوگيا, تۋريزم, ءبىلىم بەرۋ, بايلانىس جانە اقپاراتتىق تەحنولوگيا سالاسىنداعى وزەكتى ىنتىماقتاستىق ماسەلەسى تالقىلاندى.
وتىرىس قورىتىندىسى بويىنشا دەلەگاتسيا باسشىلارى ۇكىمەتارالىق كوميسسيانىڭ XXVI وتىرىسىنىڭ حاتتاماسىنا قول قويدى. كوميسسيانىڭ كەلەسى وتىرىسى 2026 جىلى ومبىدا (رەسەي فەدەراتسياسى) وتكىزىلمەك.
https://kaz.inform.kz/news/kazakstan-men-resey-arasindagi-intimaktastik-zhonndeg-ukmetaralik-komissiyanin-xxvi-otirisi-ott-3af4c9/
