كورمەلەر قاتار دالالىق سىناقتار سەلەكتسيالىق جۇمىستىڭ ماڭىزدى بولىگى بولىپ تابىلادى, سەبەبى ولار ءيتتىڭ اڭشىلىق قابىلەتتەرىن باعالاۋعا مۇمكىندىك بەرەدى. تازىنىڭ اڭشىلىق شەبەرلىگى — اتا-بابالارىمىز ءۇشىن باستى سۇرىپتاۋ ولشەمى بولعانى ءمالىم.
بۇگىنگى سىناقتار بارىسىندا يتتەردىڭ جىلدامدىعى, مانەۆرلىك قابىلەتى, توزىمدىلىگى, اقىلى مەن قۋ شەبەرلىگى باعالاندى. ناتيجەلەر يتتەردىڭ جوعارى دايىندىق دەڭگەيىن راستادى.
ءىس-شارا بارلىق قاۋىپسىزدىك تالاپتارى مەن اڭشىلىق ەرەجەلەرىنە ساي ءوتتى. سىناقتارعا ەلىمىزدىڭ ءار وڭىرىنەن 20 قازاقى تازى قاتىستى. تورەشىلىك مىندەتىن تاجىريبەلى ماماندار, ساراپشىلار مەن تازى باپتاۋشىلار اتقاردى. ولار الماتى, اقتوبە, اباي, پاۆلودار, اقمولا وبلىستارىنان, سونداي-اق الماتى جانە استانا قالالارىنان كەلدى.
ايتا كەتۋ كەرەك, بۇعان دەيىن, 7 قاراشا كۇنى, ەلىمىزدىڭ ءار ءتۇرلى ايماعىنان كەلگەن مامانداردىڭ قاتىسۋىمەن تورەشىلەرگە ارنالعان سەمينار ءوتتى. بۇل ءىس-شارا كينولوگيا سالاسىنداعى كاسىبي قاۋىمداستىقتى بىرىكتىرۋ جانە اڭشىلىق سىناقتاردىڭ بىرىڭعاي ستاندارتتارىن قالىپتاستىرۋ جولىنداعى ماڭىزدى قادام بولدى.
بۇل باستاما جۇمىس ساپاسىن باعالاۋدىڭ بىرىڭعاي جۇيەسىن قالىپتاستىرۋ جانە ۇلتتىق تۇقىمنىڭ اڭشىلىق الەۋەتىن ساقتاۋ ىسىندەگى ماڭىزدى كەزەڭگە اينالدى.
قازاقستان كينولوگتار وداعى الداعى ۋاقىتتا وسىنداي ءىس-شارالاردى ەلدىڭ باسقا وڭىرلەرىندە دە وتكىزۋدى جوسپارلاپ وتىر. بۇل قادام قاتىسۋشىلار گەوگرافياسىن كەڭەيتۋگە, يەلەر مەن مامانداردى كوبىرەك تارتۋعا, سونداي-اق قازاقى تازىنىڭ جۇمىس ساپاسىن باعالاۋ مەن دامىتۋعا ارنالعان بىرىڭعاي تاجىريبەلىك بازانى قالىپتاستىرۋعا مۇمكىندىك بەرەدى. وڭىرلەردەگى تۇراقتى سىناقتار جۇيەلى سەلەكتسيالىق جۇمىستىڭ جانە اڭشىلىق داستۇرلەردى ساقتاۋدىڭ ماڭىزدى قۇرالى بولماق.
