سولتۇستىك قازاقستاندا كۇن تۇتىلدى

پەتروپاۆل. 21  ناۋرىز.  م. قوزىباەۆ اتىنداعى  سولتۇستىك قازاقستان مەملەكەتتىك ۋنيۆەرسيتەتىنىڭ استروفيزيكالىق ورتالىعىنا جينالعان جۇرتشىلىق  ساعات 16-لار شاماسىندا  كۇننىڭ تۇتىلۋىن ءبىر ساعاتقا جۋىق  باقىلادى.  بۇل تۋرالى egemen. kz ءتىلشىسى حابارلادى. فيزيكا كافەدراسىنىڭ دوتسەنتى اندرەي  سولودوۆنيكتىڭ ايتۋىنشا,  تەرىسكەيدە  تابيعاتتىڭ مۇنداي قۇبىلىسى  سوڭعى رەت 2008 جىلى بايقالعان. بۇل جولى   اي كۇننىڭ بەتىن جارىم-جارتىلاي عانا جاپقان. «ەلىمىزدىڭ وزگە ايماقتارىنا قاراعاندا سولتۇستىك ءوڭىر  تۇرعىندارى كۇننىڭ تۇتىلۋىن ايقىنىراق كورە الدى. ويتكەنى,  سولتۇستىككە جاقىنداعان سايىن بۇل قۇبىلىس بارىنشا ايقىن اڭعارىلادى. ماسەلەن, ايدىڭ كۇننىڭ بەتىن تولىق جابۋى  سولتۇستىك مۇزدى  مۇحيت اۋماعىندا ورىن الدى»,– دەيدى عالىم. فولگا جىلتىر قاعازىن, DVD-ديسكىن, كۇيدىرىلگەن اينەكتى كوزگە كولەگەيلەۋ  ارقىلى دا كۇننىڭ  تۇتىلۋىن تاماشالاۋشىلار قاتارى  كوپ بولدى. دەسەك تە, وۆسەرۆاتوريامەن باقىلاۋشىلار كۇننىڭ تۇتىلۋىن جاقسى تاماشالادى. ءومىر ەسقالي. دەرەك: egemen.kz سۋرەت: egemen.kz