گەنۋياداعى «كارلو فەليچە» تەاترى وركەسترىنىڭ سۇيەمەلدەۋىمەن, ماەسترو دجۋزەپپە اكۋاۆيۆانىڭ جەتەكشىلىگىمەن قازاقستاندىق مۋزىكانت نەمىس ءرومانتيزمىنىڭ ەڭ ايگىلى تۋىندىلارىنىڭ ءبىرى — ماكس برۋحتىڭ سكريپكا مەن وركەسترگە ارنالعان №1 سول مينور, op. 26 كونتسەرتىن ورىندادى.
باعدات ءابىلحانوۆ يتالياعا ساپارىن ءوزىنىڭ شىعارماشىلىق جولىنداعى ماڭىزدى بەلەس ءارى قازاق ونەرىن حالىقارالىق ساحنادا تانىتۋعا زور مۇمكىندىك ەكەنىن اتاپ ءوتتى. سونىمەن قاتار ماەسترو دجۋزەپپە اكۋاۆيۆا مەن «كارلو فەليچە» تەاترىنىڭ وركەسترىنە كاسىبي سەرىكتەستىك پەن شىعارماشىلىق قولداۋ كورسەتكەنى ءۇشىن العىس ءبىلدىردى.
بۇل كونتسەرت قازاقستاندىق مۋزىكانتتاردىڭ جوعارى كاسىبي دەڭگەيىن جانە قازاقستان مەن يتاليا اراسىنداعى مادەني بايلانىستاردى نىعايتۋعا قوسقان ۇلەسىن ايقىن كورسەتكەن ماڭىزدى مادەني وقيعا بولدى.
