«بانكتەر جانە بانك قىزمەتى تۋرالى» زاڭ جوباسى تۋرالى ءبىرىنشى وقىلىمدا ءسوز سويلەگەن دەپۋتات 38 ميلليوننان استام بانكتىك شوت بۇعاتتالعان دەپ دابىل قاقتى. قانشا ادام قالتاسىن قاعىپ, قاعاجۋ كورىپ وتىر. وسىعان بايلانىستى ول ارنايى الەۋمەتتىك شوت ەنگىزۋدى ۇسىندى.
«ازاماتتاردىڭ ەڭ تومەنگى تابىسىن قورعاۋ, ءوندىرىپ الۋشى مەن بورىشكەر قۇقىقتارىن ساقتاۋ كەرەك. سول سەبەپتى الەۋمەتتىك شوت نەمەسە ارنايى بانكتىك شوت اشۋ تۋرالى ۇسىنىس بەردىم. ءسىز ازاماتتارعا ايىنا 300 مىڭ تەڭگەگە دەيىنگى سومادا ءوندىرىپ الۋدان قورعالاتىن الەۋمەتتىك شوت ەنگىزۋ باستاماسىنا قالاي قارايسىز؟ شوتى بۇعاتتالعان ازاماتتار ءۇشىن ءسىزدىڭ اگەنتتىك قانداي تاسىلدەر قاراستىرا الادى؟» دەدى دەپۋتات ءمادينا ابىلقاسىموۆاعا.
ءمادينا ابىلقاسىموۆا دەپۋتات كوتەرگەن ماسەلەنى ماڭىزدى دەپ اتاپ ءوتتى. ول بۇل ۇسىنىستى زاڭدى قاراۋ كەزىندە تالقىلايتىنىن ايتىپ, «بۇل ۇسىنىس الەۋمەتتىك جاعىنان ماڭىزدى. ءبىز ونى جۇمىس بارىسىندا مىندەتتى تۇردە قاراستىرامىز», دەپ جاۋاپ بەردى.
