ۇيىمداستىرۋشىلاردىڭ مالىمەتىنشە, 21 جاستاعى دانا الماسوۆا – Miss Universe Qazaqstan 2024 اتاعىنىڭ يەگەرى. ول وسى جىلى الەمدىك سۇلۋلىق ساحناسىندا ەل اتىنان ونەر كورسەتۋ قۇرمەتىنە يە بولدى.
دانا قوستانايدا دۇنيەگە كەلگەن, جوعارى ءبىلىمىن تۇركياداعى اناتولي ۋنيۆەرسيتەتىندە العان. بايقاۋعا قاتىسۋداعى باستى ماقساتى – قازاقستاندىق ارۋلاردىڭ سۇلۋلىعىن, دارىنىن جانە رۋحاني كۇشىن الەمگە تانىتۋ, سونداي-اق ءوز ەلىنىڭ قىزدارىن ءوز-وزىنە سەنۋگە جانە جاڭا جەتىستىكتەرگە ۇمتىلۋعا شابىتتاندىرۋ.
«مەن ەلىمدى لايىقتى تۇردە تانىستىرۋ ءۇشىن بار كۇش-جىگەرىمدى سالامىن جانە ۇزدىكتەر قاتارىنا ەنۋگە تىرىسامىن», – دەدى دانا الماسوۆا.
بايقاۋ ۇيىمداستىرۋشىلارىنىڭ Instagram پاراقشاسىندا حابارلانعانداي, كەشە دانانى بانگكوكقا شىعارىپ سالۋ ءراسىمى ءوتتى. قاتىسۋشىنى 19 قاراشاعا دەيىن قارقىندى دايىندىق – جاتتىعۋلار, رەپەتيتسيالار جانە ءتۇرلى ءىس-شارالار كۇتىپ تۇر.
سۇلۋلىق بايقاۋىنىڭ اشىلۋ سالتاناتى 19 قاراشادا ۇلتتىق كوستيۋمدەر كورسەتىلىمىنەن باستالىپ, فينالدىق كەزەڭ 21 قاراشادا وتەدى.
ايتا كەتەيىك, بيىلعى 74-ءشى “Miss Universe” بايقاۋىنا الەمنىڭ 125-تەن استام ەلىنەن قاتىسۋشى ارۋلار جينالادى.
