فوتو: سۋ رەسۋرستارى جانە يرريگاتسيا مينيسترلىگى
كونفەرەنتسيادا كومپانيا وكىلدەرى گيدروتەحنيكالىق قۇرىلىس, كولىك ينفراقۇرىلىمى, ەكولوگيالىق ينجينيرينگ جانە تاۋ-كەن ءوندىرىسى سالالارىنداعى جاڭا تەحنولوگيالار تۋرالى بايانداپ بەردى.
ن.نۇرجىگىتوۆتىڭ ايتۋىنشا, سۋ شارۋاشىلىعىنداعى يننوۆاتسيالار – بۇل تەك تەحنولوگيا ماسەلەسى ەمەس, بۇل ازىق-ت ۇلىك قاۋىپسىزدىگىنە, اگرارلىق سەكتوردىڭ تۇراقتىلىعىنا جانە تابيعي رەسۋرستاردى ۇتىمدى باسقارۋعا تىكەلەي بايلانىستى ماسەلە.
«كليماتتىڭ وزگەرۋى بىزدەن مۇلدە جاڭا, زاماناۋي ءارى ءتيىمدى شەشىمدەردى تالاپ ەتەدى. قازىر قازاقستان سۋ شارۋاشىلىعى سالاسىنىڭ ماڭىزدى دامۋ كەزەڭىندە تۇر. ءبىز بۇل باعىتتا اۋقىمدى ترانسفورماتسيا جۇرگىزىپ جاتىرمىز. نەگىزگى باسىمدىق – نورماتيۆتىك-قۇقىقتىق بازانى جەتىلدىرۋ, سۋ ينفراقۇرىلىمىن جاڭعىرتۋ, سۋ ۇنەمدەۋ تەحنولوگيالارىن ەنگىزۋ جانە ترانسشەكارالىق ىنتىماقتاستىقتى دامىتۋ», دەدى مينيستر.
سۋ رەسۋرستارى جانە يرريگاتسيا مينيسترلىگىنىڭ مالىمەتىنشە, اتالعان ۆەدومستۆو نەمىس كومپانياسىمەن بۇرىننان تاجىريبە الماسىپ كەلەدى. جامبىل وبلىسى بايزاق اۋدانىنداعى «وتەمىس» كانالىندا INCOMAT گەوتەكستيل ماتەريالىن ەنگىزۋ بويىنشا پيلوتتىق جوبا تابىستى ناتيجە كورسەتتى. ماتەريالدىڭ جۇمىس تيىمدىلىگى ناقتى جاعدايدا دالەلدەندى. اتاپ ايتقاندا, جوبا ناتيجەسىندە ماۋسىم سوڭىندا سۋ شىعىنىنىڭ ازايعانى جانە سۋ رەسۋرستارىن باسقارۋدىڭ تيىمدىلىگى ارتقانى بايقالدى. سونىمەن قاتار جۇيە سىرتقى اسەرلەرگە توزىمدىلىگىمەن جانە تەحنيكالىق قىزمەت كورسەتۋ ىڭعايلىلىعىمەن ەرەكشەلەندى. پيلوتتىق جوبانىڭ وڭ ناتيجەلەرى بۇل تەحنولوگيانى باسقا كانالداردا دا قولدانۋدىڭ ماقساتقا ساي ەكەنىن دالەلدەدى.
