فوتو: اقوردا
پرەزيدەنتكە اۋەجاي قىزمەتى, ىشكى جانە حالىقارالىق اۋە رەيستەرىنە قىزمەت كورسەتۋ پروتسەسى جونىندە باياندالدى.
مەملەكەت باسشىسىنا جولاۋشىلاردى تىركەۋ جانە تەكسەرۋ ايماقتارى, شەكارالىق-كەدەندىك باقىلاۋ پۋنكتتەرى, كۇتۋ زالى, سونداي-اق اۆتوماتتاندىرىلعان جۇك بەرۋ جۇيەسى كورسەتىلدى.
جاڭا تەرمينال بىلتىر قاراشا ايىندا اشىلعان. جوباعا 16,6 ميلليارد تەڭگە كولەمىندە جەكە ينۆەستيتسيا سالىندى.
جەرگىلىكتى بيۋدجەتتەن ينجەنەرلىك-كوممۋنيكاتسيالىق ينفراقۇرىلىمىن جۇرگىزۋگە 4,3 ميلليارد تەڭگە بولىندى.
اۋەجايدىڭ وتكىزۋ قابىلەتى جىلىنا 300 مىڭنان 500 مىڭ جولاۋشىعا دەيىن ۇلعايدى. نىسان حالىقارالىق ازاماتتىق اۆياتسيا كوميتەتى (ICAO) مەن حالىقارالىق اۋە كولىگى قاۋىمداستىعىنىڭ (IATA) جوعارى ستاندارتتارىنا سايكەس كەلەدى.
«قورقىت اتا» اۋەجايىنان Air Astana, FlyArystan جانە Qazaq Air اۋە كومپانيالارى اپتاسىنا 29 رەيس ورىندايدى. قازىرگى كەزدە تەرمينال جانىنان «قازاەروناۆيگاتسيا» رمك جاڭا ديسپەتچەرلىك مۇنارا مەن اكىمشىلىك-تەحنيكالىق عيماراتتىڭ قۇرىلىسىن جۇرگىزىپ جاتىر.
جوبانىڭ ىسكە اسۋى سىر ءوڭىرىنىڭ كولىك ينفراقۇرىلىمىن دامىتىپ قانا قويماي, تۋريستىك الەۋەتى مەن ينۆەستيتسيالىق تارتىمدىلىعىن دا ارتتىرۋعا وڭ سەپتىگىن تيگىزەدى.
