فوتو: كولىك مينيسترلىگى
بيىل سالا رەكوردتىق كورسەتكىشكە جەتتى. ناقتى اتاعاندا, 13 مىڭ شاقىرىمنان استام تاسجولعا جوندەۋ جانە قۇرىلىس جۇمىستارى جۇرگىزىلدى.
ۇزدىك ماماندارعا «ەڭبەك ارداگەرى»,«قۇرمەتتى جولشى» توسبەلگىلەرى تابىستالعان ءىس-شارا بارىسىندا كولىك ۆيتسە-ءمينيسترى تالعات لاستاەۆ بارشا جولشىلاردى كاسىبي مەرەكەمەن قۇتتىقتاپ, العىس ءبىلدىردى.
«جول سالۋ – بۇل جاي عانا ينفراقۇرىلىم تۇرعىزۋ ەمەس, بۇل – ساۋدا, تۋريزم جانە حالىقتىڭ ءال-اۋقاتىن ارتتىرۋدىڭ نەگىزىن قالاۋ. ءبىزدىڭ مىندەتىمىز – جول ينفراقۇرىلىمىن ودان ءارى دامىتۋ. اسىرەسە, ەلىمىزدىڭ كولىك-لوگيستيكا سەكتورىنىڭ ىرگەتاسىن قالاعان جانە زور قۇرمەتكە يە سالا ارداگەرلەرىنە ەرەكشە العىس ايتامىن», – دەدى ت.لاستاەۆ.
كولىك مينيسترلىگىنىڭ مالىمەتىنشە ەلىمىزدەگى اۆتوموبيل جولدارىنىڭ جالپى ۇزىندىعى 185 مىڭ شاقىرىمنان اسادى. ونىڭ ىشىندە شامامەن 25 مىڭ شاقىرىمى رەسپۋبليكالىق, 70 مىڭ شاقىرىمى جەرگىلىكتى ماڭىزعا يە بولسا, قالعان 95 مىڭ شاقىرىمى قالالار مەن ەلدى مەكەندەردىڭ كوشە-جول جەلىسىن قۇرايدى.
