بۇل كورمە شۋ اۋدانىنىڭ 95 جىلدىعىنا جانە اۆتوردىڭ 60 جاس مەرەيتويىنا دا ارنالىپ وتىر. كورمەنىڭ اشىلۋىندا وبلىس اكىمدىگى مادەنيەت جانە تىلدەردى دامىتۋ باسقارماسىنىڭ باسشىسى ەرلان ءجۇنىسباي ءسوز سويلەپ, قالي ەرعازى ۇلىنىڭ ەرەكشە تالانتى مەن ىزدەنىسىنە كەڭىنەن توقتالدى.
شۋ اۋدانىنىڭ اكىمى باقىتجان جانىبەكوۆ سۋرەتشىنىڭ جۇمىستارى قوعامعا تەرەڭ وي سالاتىنىن ايتىپ وتسە, قر سۋرەتشىلەر وداعىنىڭ مۇشەسى مۋراتدجون راحيمجانوۆ ارىپتەسىنىڭ تولايىم تابىسى مەن كەيىنگى جىلدارداعى جەتىستىكتەرى تۋرالى وي قوزعادى. كورمە بەينەلەۋ ونەر تۋىندىلارىن كەڭىنەن ناسيحاتتاۋ, شىعارماشىل ونەر ادامدارى اراسىندا تاجىريبە الماسۋ جانە قىلقالام ارقىلى مادەني, رۋحاني بايلانىستاردى نىعايتۋ ماقساتتارىنا نەگىزدەلدى.
كورمەدە سۋرەتشىنىڭ مايلى بوياۋمەن, كاريكاتۋرالىق بەينەلەر جانە تاريحي مۇسىندەردەگى وزىندىك دۇنيەتانىمى مول باعا جەتپەس تۋىندىلارى قويىلدى.
ءىس-شارادا سۋرەتشىنىڭ شىعارماشىلىق «QALI» اتتى كاتالوگىنىڭ لەنتاسى سالتاناتتى تۇردە كەسىلدى. كورمە 31-قازانعا دەيىن جالعاسپاق.
