فوتو: azattyq-ruhy.kz
سونداي-اق ۆەدومستۆونىڭ ءباسپاسوز قىزمەتى تەرگەۋ بارىسىن ىشكى ىستەر ءمينيسترى جەكە باقىلاۋىنا العانىن مالىمدەدى.
وقيعانىڭ ءمان-جايىن انىقتاۋ جانە تەرگەۋ جۇرگىزۋ ءۇشىن ءىىم ورتالىق اپپاراتىنىڭ ارنايى توبى اۋە بورتىمەن جونەلتىلگەن.
ء«مينيستردىڭ تاپسىرماسى بويىنشا جول اپاتىنان قازا تاپقان ازاماتتاردىڭ تۋىستارىنا جان-جاقتى كومەك بەرىلەدى, سونىڭ ىشىندە مايىتتەردى تاسىمالداۋ جانە جەرلەۋ راسىمدەرىن ۇيىمداستىرۋعا دا قولداۋ كورسەتىلەدى. جەدەل تەرگەۋ جۇرگىزۋ جانە بارلىق قاجەتتى شارالاردى ورىنداۋ ءۇشىن ءتيىستى شارالار قابىلداناتىن بولادى», دەدى دەپارتامەنت باستىعى - ءىىم رەسمي وكىلى شىڭعىس الەكەشەۆ.
ايتا كەتەيىك, 23 قازان كۇنى سامارا – شىمكەنت اۆتوجولىندا, بەلقوپا ەلدى مەكەنىنىڭ ماڭىندا DAF جۇك كولىگى مەن جولاۋشىلار مىنگەن «گازەل» كولىگى سوقتىعىسىپ, سالدارىنان 12 ادام كوز جۇمعان بولاتىن.
