فوتو: istockphoto.com
الداعى كۇندەرى قازاقستان اۋماعىنىڭ كوپ بولىگىندە اۋا رايىن انتيتسيكلون ايقىندايدى. ال باتىس, سولتۇستىك-باتىس جانە وڭتۇستىك-شىعىس وڭىرلەرىندە تسيكلوننىڭ الدىڭعى بولىگى اسەر ەتەدى. بۇل ايماقتاردا اۋا رايى كوبىنە بۇلتتى بولىپ, كەي جەرلەردە جاۋىن-شاشىن بولادى. باتىس وڭىرلەردە قاتتى جاۋىن بولۋى ىقتيمال.
رەسپۋبليكا اۋماعىندا جەلدىڭ كۇشەيۋى كۇتىلەدى. سونداي-اق تۇنگى جانە تاڭعى ساعاتتاردا ەلدىڭ سولتۇستىگى مەن شىعىسىندا تۇمان ءتۇسىپ, كورىنۋ قاشىقتىعى تومەندەيدى.
«قازگيدرومەت» مالىمەتىنشە, الداعى ءۇش تاۋلىكتە اۋا تەمپەراتۋراسىنىڭ ايتارلىقتاي وزگەرىسى بولمايدى. كۇندىز جىلى, ال تۇندە سۋىق اۋا رايى ساقتالادى.
