اتالعان تۇيتكىلدى جۇيەلى شەشۋ ماقساتىندا 2029 جىلعا دەيىن قالا بويىنشا 24 شاعىن اۋداندا 918 شاقىرىمعا جۋىق ينجەنەرلىك جەلىنى جاڭعىرتۋ جوسپارلانعان. بۇل جۇمىستار ەڭ الدىمەن توزۋ دەڭگەيى اسا جوعارى تومەنگى ايماقتاردان باستاۋ الدى. بيىل 3ا, 3ب شاعىن اۋداندارىندا جانە اۋرۋحانا قالاشىعىندا جىلۋ جەلىلەرىن قايتا جاڭارتۋ جۇمىستارى ءساتتى اياقتالدى. ناتيجەسىندە, اپاتتىق جاعدايلاردىڭ سانى ەداۋىر قىسقارىپ, كوممۋنالدىق قىزمەتتەردىڭ ساپاسى ايتارلىقتاي ارتتى.
ماڭعىستاۋ وبلىسىنىڭ اكىمى ن.قيلىباي سۋ جانە جىلۋ جۇيەلەرىندەگى اقاۋلاردى جويۋ جۇمىسىن باستى نازاردا ۇستاپ وتىر. وسى ورايدا وبلىس اكىمىنىڭ ورىنباسارى, جىلىتۋ ماۋسىمىنا دايىندىق جانە ونى وتكىزۋ جونىندەگى وبلىستىق جەدەل شتابتىڭ باسشىسى ەربول ىزبەرگەنوۆتىڭ توراعالىعىمەن اقتاۋ قالاسىنداعى نىسانداردى ارالاۋ ارقىلى جۇرمەلى جيىن ءوتتى. جيىندا 2025–2026 جىلدارداعى جىلىتۋ ماۋسىمىنداعى وزەكتى ماسەلەلەر تالقىلانىپ, قالا اۋماعىنداعى جىلۋ جەلىلەرىندە انىقتالعان اقاۋلاردى جويۋ بويىنشا اتقارىلىپ جاتقان شارالار قارالدى. جاۋاپتى مەكەمەلەرگە ورىن العان اقاۋلاردى جەدەل تۇردە جويۋ جونىندە ناقتى تاپسىرمالار جۇكتەلدى.
بۇل باعىتتاعى كەشەندى شارالار الداعى ۋاقىتتا دا ءوز جالعاسىن تاباتىن بولادى.
