قالالىق پوليتسيا باسقارماسىنىڭ مالىمەتىنشە, جەدەل-ىزدەستىرۋ شارالارى بارىسىندا 63 جانە 59 جاستاعى اعايىندى ەكى تۇرعىن انىقتالىپ, قاماۋعا الىندى.
تەرگەۋ بارىسىندا ولاردىڭ 2025 جىلدىڭ تامىز-قازان ايلارى ارالىعىندا دۇكەندەردەن, سۇلۋلىق سالوندارىنان جانە تۇرعىن ۇيلەردەن اقشا, ۇيالى تەلەفون, بانك كارتالارى مەن باعالى زاتتاردى ۇرلاعانى بەلگىلى بولدى.
جابىرلەنۋشىلەرگە كەلتىرىلگەن ماتەريالدىق شىعىن 1,5 ميلليون تەڭگەدەن استى. قازىرگى ۋاقىتتا كۇدىكتىلەر ۋاقىتشا ۇستاۋ يزولياتورىنا قامالدى.
پوليتسيا قىزمەتى تۇرعىنداردى جەكە م ۇلىكتەرىن قاراۋسىز قالدىرماۋعا جانە ساقتىق شارالارىن ساقتاۋعا شاقىرادى.
