جيىندى جۇرگىزگەن ءال-فارابي اتىنداعى قازۇۋ ەكونوميكا جانە بيزنەس جوعارى مەكتەبىنىڭ دەكانى, قاۋىمداستىرىلعان پروفەسسور جاننا ەرمەكوۆا كورنەكتى عالىمنىڭ وتاندىق جوعارى مەكتەپتىڭ دامۋىنا سۇبەلى ۇلەس قوسىپ, ەكونوميكالىق عىلىمنىڭ قالىپتاسۋىنا جارقىن ءىز قالدىرعانىن ايتتى.
«ياحيا اۋباكىر ۇلى ەكونوميكالىق ماماندىق قانا ەمەس, بارلىق مامان ءۇشىن ەكونوميكانىڭ قىزمەت ەتۋ قاعيداسىن ءتۇسىندىرىپ, وزەكتى دە نەگىزدى شەشىم قابىلداپ, ساياسات پەن رەفورمالار سالدارىن باعالاۋدا ەكونوميكالىق تەوريانىڭ قاجەتتىلىگىن اركەز دالەلدەپ, ونىڭ بەلسەندى جاناشىرى بولدى. بۇگىنگى تاڭدا دا عالىمنىڭ ەكونوميكالىق وي-تۇجىرىمى وتە وزەكتى», دەدى ول.
بۇدان سوڭ عىلىم جانە جوعارى ءبىلىم ءمينيسترى ساياسات نۇربەك مەملەكەت باسشىسى ق.توقاەۆتىڭ قۇتتىقتاۋ حاتىن وقىپ, جينالعان قوناقتارعا ىزگى لەبىزىن ءبىلدىردى. سونىمەن بىرگە پارلامەنت ءماجىلىسىنىڭ توراعاسى ەرلان قوشانوۆتىڭ دا قۇتتىقتاۋىن ءماجىلىس دەپۋتاتى ەكاتەرينا سمولياكوۆا جەتكىزدى. ال ءال-فارابي اتىنداعى قازاق ۇلتتىق ۋنيۆەرسيتەتىنىڭ رەكتورى جانسەيىت تۇيمەباەۆ ء ىس-شاراعا قاتىسۋشىلاردى كونفەرەنتسيانىڭ سالتاناتتى اشىلۋىمەن قۇتتىقتاپ, ياحيا اۋباكىر ۇلىنىڭ ءومىر جولى وتاندىق ەكونوميكالىق عىلىم مەن ءبىلىمنىڭ قالىپتاسىپ, عالىمداردىڭ جاڭا بۋىنىن تاربيەلەۋ كەزەڭىنە اينالعانىن اتاپ ءوتتى. سونداي-اق ءىس-شارا اياسىندا يا. اۋباكىروۆ تۋرالى «عيباداتتى عۇمىر» اتتى كىتاپ تانىستىرىلدى. مۇندا عالىمنىڭ ءومىرى مەن عىلىمي مۇراسى تولىق قامتىلعان.
كونفەرەنتسيانىڭ پلەنارلىق وتىرىسىندا قازاقستان پرەزيدەنتىنىڭ جانىنداعى ۇلتتىق عىلىم اكادەمياسىنىڭ ۆيتسە-پرەزيدەنتى ديدار باترىشەۆ, عالىم باقىتجان جۇماعۇلوۆ, جوعارى وقۋ ورىندارى قاۋىمداستىعى مەن تۇران ۋنيۆەرسيتەتىنىڭ پرەزيدەنتى راحمان الشانوۆ, «Almaty Management University» پرەزيدەنتى اسىلبەك قوجاحمەتوۆ, ە. بوكەتوۆ اتىنداعى قاراعاندى ۇلتتىق زەرتتەۋ ۋنيۆەرسيتەتىنىڭ رەكتورى نۇرلان دۋلاتبەكوۆ جانە عالىمنىڭ قىزى كورنەكتى مۋزىكانت, «Aubakirova School» اۆتورلىق مەكتەبىنىڭ ديرەكتورى جانيا اۋباكىروۆا ءسوز الدى. جيىن اياسىندا ياحيا اۋباكىر ۇلى تۋرالى دەرەكتى فيلم كورسەتىلدى.
ج. ەرمەكوۆا,
ءال-فارابي اتىنداعى قازۇۋ ەكونوميكا جانە بيزنەس جوعارى مەكتەبىنىڭ دەكانى,
ل. بيمەنديەۆا, قاۋىمداستىرىلعان پروفەسسور
