2028 جىلعا دەيىنگى سۋ سالاسىن دامىتۋ جونىندەگى كەشەندى جوسپار اياسىندا اقسۋ, كوكسۋ, پانفيلوۆ, سارقان, الاكول اۋداندارىندا جانە تالدىقورعان قالاسىندا 8 جاڭا سۋ قويماسىن سالۋ كوزدەلگەن. نىساندار بيەن, بىجە, قورعاس, ۇسەك, تىشقان, بالىقتى, جامانتى جانە باسقان وزەندەرى بويىندا سالىنادى.
بۇدان بولەك, ءۇش سۋ قويماسىن جانە ۇزىندىعى 2930 شاقىرىم بولاتىن كانالدى رەكونسترۋكتسيالاۋ, سونداي-اق ۇزىندىعى 236,8 شاقىرىم كانالدى اۆتوماتتاندىرۋ جوسپارلانىپ وتىر. سونىمەن قاتار 17 گيدروتەحنيكالىق قۇرىلىسجايدا كوپفاكتورلى زەرتتەۋ جۇمىستارى جۇرگىزىلەدى.
ء«بىزدىڭ جۇمىسىمىزدىڭ باسىم باعىتتارىنىڭ ءبىرى – سۋ شارۋاشىلىعى ينفراقۇرىلىمىن جوندەۋ جانە جاڭعىرتۋ. قازىر جۇزەگە اسىرىلىپ جاتقان گيدروتەحنيكالىق قۇرىلىسجايلاردى سالۋ مەن رەكونسترۋكتسيالاۋ, يرريگاتسيا جەلىلەرىن اۆتوماتتاندىرۋ جوبالارى سۋدى پايدالانۋ تيىمدىلىگىن ايتارلىقتاي ارتتىرىپ, ونىڭ شىعىنىن ازايتۋعا مۇمكىندىك بەرەدى. ۆەگەتاتسيا كەزەڭىنىڭ قورىتىندىسى كورسەتكەندەي, اگرارلىق سەكتوردىڭ تيىمدىلىگى سۋ رەسۋرستارىن قانشالىقتى ساۋاتتى جانە جاۋاپكەرشىلىكپەن باسقارۋعا بايلانىستى. بۇل تەك ناقتى جوسپارلاۋدى عانا ەمەس, سۋ سالاسىن جۇيەلى دامىتۋدى دا تالاپ ەتەدى», دەدى سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ.
كەزدەسۋ بارىسىندا جەتىسۋ وبلىسىنىڭ تۇرعىندارى مينيسترگە سۋ ۇنەمدەۋ تەحنولوگيالارىن ەنگىزۋگە جۇمسالعان شىعىنداردى سۋبسيديالاۋ جانە ەگىستىك القاپتارىن سۋارۋعا ارنالعان سۋ تۇتىنۋ نورمالارىن قايتا قاراۋ ماسەلەلەرى جونىندە سۇراقتار قويدى. كەيىن نۇرجان نۇرجىگىتوۆ ازاماتتاردى جەكە قابىلداپ, گيدروەلەكتر ستانتسيالارى مەن بوگەتتەردىڭ قۇرىلىسى, يرريگاتسيا كانالدارىن جوندەۋ سياقتى تاقىرىپتار بويىنشا سۇراقتارعا جاۋاپ بەردى.
