فوتو: atameken.kz
سونداي ماڭىزدى شەشىمنىڭ ءبىرى وڭايلاتىلعان دەكلاراتسيا نەگىزىندەگى ارناۋلى سالىق رەجيمىن (اسر) قولدانۋعا قويىلعان شەكتەۋلەر ءتىزىمى ايتارلىقتاي قىسقارتىلىپ, قولدانىستاعى زاڭناماعا سايكەستەندىرىلۋى. «اتامەكەن» ۇكپ وسى ماسەلە بويىنشا مەملەكەتتىك ورگاندارمەن دەرەۋ ديالوگ ورناتىپ, داۋلى نورمالاردى جان-جاقتى پىسىقتاۋ باستاماسى كوتەرىلگەنىن مالىمدەپ, تىيىم سالىنعان قىزمەتتەردىڭ ءتىزىمى قولدانىستاعى زاڭناماعا سايكەس 44-كە دەيىن قىسقارتىلعانىنا نازار اۋداردى.
«بۇل شەشىم وڭايلاتىلعان سالىق رەجيمىن قولدانۋ مۇمكىندىگىن ساقتاپ قالاتىن ونداعان مىڭ كاسىپكەرگە تىكەلەي اسەر ەتەدى.
الايدا جۇمىس مۇنىمەن توقتاپ قالعان جوق. 2026 جىلدىڭ 1 قاڭتارىنان باستاپ ميكرو جانە شاعىن بيزنەس ءۇشىن «تازا پاراقتان» تاسىلىمەن سالىقتىق اكىمشىلەندىرۋ ەنگىزىلەدى. ول بويىنشا سالىقتىق تەكسەرۋلەر مەن كامەرالدىق باقىلاۋدىڭ تولىق كۇشىن جويۋ, مامىلەلەر مەن تىركەۋلەردى جارامسىز دەپ تانۋ تۋرالى سوت ىستەرىن الىپ تاستاۋ, سونداي-اق ءوسىمپۇل مەن ايىپپۇلداردى ەسەپتەن شىعارۋ (نەگىزگى قارىزدى 2026 جىلدىڭ 1 ساۋىرىنە دەيىن وتەگەن جاعدايدا) كوزدەلگەن», دەلىنگەن حابارلامادا.
«اتامەكەن» ۇلتتىق كاسىپكەرلەر پالاتاسى ءارى قاراي دا رەفورمالاردىڭ ءاربىر قادامى شىنايى ىسكەرلىك تاجىريبەنى ەسكەرە وتىرىپ جاسالۋى ءۇشىن جۇمىسىن جالعاستىرا بەرەتىنىن حابارلادى.
