فوتو: اۋىل شارۋاشىلىعى مينيسترلىگى
بۇل – سوڭعى جىلدارداعى ەڭ جوعارى كورسەتكىشتەردىڭ ءبىرى. بۇعان اگروتەحنولوگيالاردى جەتىلدىرۋ, تەحنيكانى جاڭعىرتۋ جانە وسىمدىك شارۋاشىلىعىندا جاڭا تاسىلدەردى قولدانۋ سياقتى ناقتى قادامدار ىقپال ەتتى.
اۋىل شارۋاشىلىعى مينيسترلىگىنىڭ مالىمەتىنشە مايلى داقىلداردى جيناۋ دا تابىستى جۇزەگە اسىپ جاتىر. بۇگىندە 684,0 مىڭ گەكتار القاپتان 791,3 مىڭ توننا ءونىم جينالعان, ورتاشا ونىمدىلىك گەكتارىنا 11,6 تسەنتنەردى قۇرادى. مايلى داقىلداردان 1,0 ملن تونناعا دەيىن رەكوردتىق ءونىم الۋ مەجەلەنگەن. ولاي بولعاندا بۇل ءوڭىر تاريحىنداعى ەڭ جوعارى كورسەتكىش بولماق, بۇل – ەل ىشىندە دە, سىرتقى نارىقتاردا دا مايلى داقىلدارعا دەگەن سۇرانىس ارتىپ تۇرعان كەزەڭدە ەرەكشە ماڭىزدى.
سونىمەن قاتار, 8,6 مىڭ گەكتار جەردەن 135,9 مىڭ توننا كارتوپ جينالدى (ونىمدىلىك – 158,2 تس/گا).
كوكونىس داقىلدارىنىڭ ونىمدىلىگى گەكتارىنا 137,8 تسەنتنەر دەڭگەيىنە جەتتى.
وراق ناۋقانى بارىسىندا بەلگىلى بولعانداي, ءوڭىردىڭ اگروونەركاسىپ كەشەنى تابىستى دامىپ كەلەدى.
