ستراتەگيالىق ارىپتەستىك جالعاسادى

كەشە قازاقستان رەسپۋبليكاسىنىڭ مەملەكەتتىك حاتشىسى گۇلشارا ابدىقالىقوۆا امەريكا قۇراما شتاتتارىنىڭ قازاقستان رەسپۋبليكاسىندا جاڭادان تاعايىندالعان توتەنشە جانە وكىلەتتى ەلشىسى دجوردج البەرت كرولدى قابىلدادى. مەملەكەتتىك حاتشى اقش ەلشىسىن تاعايىندالۋىمەن قۇت­تىقتادى جانە ونىڭ جاڭا لاۋازىمى ءبىزدىڭ ەلدەر ارا­سىنداعى جان-جاقتى ءارى جە­مىستى ىنتىماقتاستىقتىڭ ودان ءارى نىعايۋىنا مۇمكىندىك تۋعى­زا­تىنىنا سەنىم ءبىلدىردى. ودان ءارى گ.ابدىقالىقوۆا ەل­باسى ن.نازارباەۆتىڭ باستاماسى بويىنشا قازاقستاندا بەس ين­س­تي­تۋتتىق رەفورمانى ءجۇر­گىزۋ, ۇلت جوسپارى – «100 ناق­تى قادامدى» ىسكە اسىرۋ جۇمىس­تارىنىڭ باستالعانىن اتاي وتىرىپ, قولعا الىنعان ءىس-شارالار ەلى­مىزدىڭ ساياسي جۇيەسىن جاڭارتۋدى جانە ەكونوميكامىزدىڭ ور­نىق­تى ءوسۋىن قامتاماسىز ەتىپ, «قازاق­ستان-2050» ستراتەگياسىنىڭ نەگىز­گى ماقساتتارىنا قول جەتكىزۋگە, الەمدەگى ەڭ دامىعان 30 مەملەكەتتىڭ قاتارىنا كىرۋگە ىقپال ەتۋى ءتيىس ەكەنىن ايتىپ ءوتتى. كەزدەسۋ بارىسىندا مەم­لە­كەت­ارالىق قارىم-قاتىناستاردى ودان ءارى دامىتۋدىڭ, تولەرانتتى قوعامدى, كوپەتنوستى جانە كوپ­كونفەسسيالى قۇندىلىقتاردى ىلگەرىلەتۋدىڭ, الەۋمەتتىك-گۋما­ني­تارلىق ىنتى­ماق­تاستىقتىڭ وزەكتى ماسەلەلەرى بويىنشا سىندارلى پىكىرلەر الماسىلدى. بۇگىنگى تاڭدا قازاقستان-اقش اراسىنداعى بىرلەسكەن جۇمىس كەلەسى ماڭىزدى باعىتتاردا ءجۇر­گى­زى­لۋدە: قاۋىپسىزدىك پەن وڭىرلىك ىنتى­ماقتاستىق, يادرولىق قارۋ­دى تاراتپاۋ, «نۇرلى جول» جاڭا ەكونوميكالىق سايا­ساتى, قا­زاق­ستاننىڭ دسۇ-عا كىرۋى, ەكسپو-2017, اسكە­ري جانە عىلى­مي-تەحنيكا­لىق ىنتى­ماق­تاس­تىق, قۇ­قىق قور­عاۋ ورگاندارى اراسىن­داعى ءوزارا ءىس-قيمىل ايا­سىندا ساۋدا-ەكونوميكالىق ءجا­نە ينۆەستيتسيالىق ءوزارا قارىم-قاتى­ناستى جانداندىرۋ. 2014 جىلدىڭ قورىتىندىسى بويىنشا قازاقستان مەن اقش اراسىنداعى ساۋدا اينالىمى 2,4 ملرد. دوللاردى قۇرادى. قازاقستان ەكونوميكاسىنا سالىنعان امە­ري­كالىق ينۆەستيتسيانىڭ جالپى كولەمى 21 ملرد. اقش دوللارى­نان اسىپ ءتۇستى, رەسپۋبليكادا امەريكالىق كاپيتالدىڭ قاتى­سۋىمەن 470-تەن استام كاسىپورىن جۇمىس ىستەيدى. تاراپتار قازاقستان پرە­زي­دەنتى ن.ءا.نازارباەۆتىڭ 2010 جىلى اقش-قا جاساعان ساپارى بارىسىندا قول قويىلعان قا­زاق­ستان-اقش عىلىمي-تەحنيكا­لىق ىنتىماقتاستىعى تۋرالى كە­لى­سىمنىڭ نەگىزىندە ءبىلىم جانە عىلىم سالاسىنداعى ىنتىماقتاستىقتى نىعايتۋعا مۇددەلىلىك جوعارى ەكەنىن اتاپ ءوتتى. بۇگىنگى تاڭدا قازاقستاندىق جو­عارى وقۋ ورىندارى امەريكالىق 30-دان استام ءبىلىم جانە عىلىم ورتالىقتارىمەن ىنتىماقتاستىق ورناتقان. سونىڭ ىشىندە كارنەگي-مەللون, ديۋكا, پيتسبۋرگ جانە گارۆارد ۋنيۆەرسيتەتتەرىمەن ءتيىمدى قارىم-قاتىناستار ور­نات­قان «نازارباەۆ ۋنيۆەرسيتەت» اق اتاپ وتەرلىكتەي ماڭىزعا يە بو­لىپ وتىر. «بولاشاق» باعدار­لاماسى بويىنشا اقش-تا 1840 قازاقستاندىق جاس ءبىلىم الدى, 590-نان استامى وقۋلارىن جال­عاس­تىرۋدا. كەزدەسۋ سوڭىندا تاراپتار قا­زاقستان مەن اقش اراسىنداعى ءوزا­را ءىس-قيمىلدىڭ ستراتەگيالىق سەرىك­تەستىك رۋحىنا تولىق ساي كەلە­تىن جوعارى دەڭگەيدە ەكەنىن اتاپ ءوتتى. جاقسىباي سامرات, «ەگەمەن قازاقستان».