مەملەكەتتىك ايىپتاۋشىنىڭ سوزىنشە, 26 جاستاعى كەلىنشەكتى مەكتەپ وقۋشىسى پىشاقتاپ, كەيىن ءمايىتىن قورلاعان.
- كامەلەتكە تولماعان سوتتالۋشى ءوزىنىڭ قىلمىستىق ارەكەتىن ءارى قاراي جالعاستىرىپ, مارقۇمنىڭ شالبارىنىڭ وڭ قالتاسىنان ۇيالى تەلەفونىن جىمقىرىپ, جاساعان قىلمىستىق ءىس-ارەكەتىن جاسىرۋ ماقساتىندا ءمايىتىن قارا ءتۇستى پوليتەتيلەن پاكەتكە وراعان. كەيىن تۇرعىن ءۇي اۋلاسىندا تۇرعان قۇرىلىس ارباسىنا سالىپ, قوقىس جاشىگىنىڭ جانىنا اپارىپ تاستاعان, – دەدى پروكۋرور نۇرجىگىت ەرمەنتاي.
كۇدىككە ىلىنگەن مەكتەپ وقۋشىسى جازعى دەمالىستا قالاعا جۇمىس ىستەۋگە كەلگەن. ول باسپانادا جالعىز قالىپ, الەۋمەتتىك جەلىدەن ءۇي تازالاۋشىنى ىزدەپ تابادى. كەلىنشەك ءۇي تازالاپ بىتكەن سوڭ 15 مىڭ تەڭگەنى سۇراعاندا ايىپتالۋشى وعان پىشاق سۇققان. مارقۇمنىڭ ارتىندا ەكى بالاسى قالدى.
- بالا قاسقاسۋ بالاسى دەگەننەن كەيىن قاسقاسۋدىڭ ءبارىن ىزدەدىك. تاپپادىق. سوندا قاراتاۋ اپب-دا ىزدەدىك دەپ ىزدەمەگەن. مەن 28-ءى كۇنى ارىز جازدىم, 29-ى كۇنى استاناعا جازدىم, سودان كەيىن تەلەفونى تابىلادى. 31-ءى كۇنى قىزىم تابىلادى. سوندا ميليتسيالار قايدا ءجۇردى ىزدەمەي؟ بالكىم, ىزدەپ تاپقاندا, بۇنداي بولمايتىن ەدى عوي. بۇلاي قورلانىپ ولمەيتىن ەدى عوي, – دەدى مارقۇمنىڭ اناسى قارلىعاش وڭعارباەۆا.
ايىپتالۋشى كىناسىن ءىشىنارا مويىنداعان.
