2025 جىلدىڭ 9 ايىنىڭ قورىتىندىسى بويىنشا مەملەكەتتىك قارجى كورسەتكىشتەرى كەلەسىدەي قالىپتاستى.
«مەملەكەتتىك بيۋدجەتتىڭ كىرىستەرى 17,3 ترلن تەڭگەنى قۇراپ, جوسپاردىڭ 102%-ىن ورىندادى. وتكەن جىلمەن سالىستىرعاندا ءوسىم 116%, ياعني 2,4 ترلن تەڭگەگە ارتقان», دەدى مينيستر ۇكىمەت وتىرىسىندا.
رەسپۋبليكالىق بيۋدجەتكە تۇسكەن كىرىستەر كولەمى 10,5 ترلن تەڭگەنى قۇراپ, جوسپار 97,3% دەڭگەيىندە ورىندالدى. بۇل وتكەن جىلدىڭ سايكەس كەزەڭىمەن سالىستىرعاندا 116%, ياعني 1,4 ترلن تەڭگەگە كوپ.
ءمينيستردىڭ ايتۋىنشا, كەيبىر كورسەتكىشتەردىڭ تولىق ورىندالماۋىنا نەگىزگى سەبەپ — الەمدىك مۇناي باعاسىنىڭ جوعارى قۇبىلمالىلىعى جانە گەوساياسي تۇراقسىزدىقتىڭ ساقتالۋى. بۇل فاكتورلار بيزنەس ءۇشىن لوگيستيكالىق شىعىنداردىڭ ارتۋىنا اسەر ەتىپ, سونىڭ سالدارىنان ەكسپورت كولەمى ازايىپ, ءىرى كاسىپورىنداردان تۇسەتىن سالىق تۇسىمدەرى تومەندەگەن.
«ال جەرگىلىكتى بيۋدجەتتەرگە كەلىپ تۇسەتىن سالىقتار سىرتقى فاكتورلارعا تاۋەلدى ەمەس, سوندىقتان بۇل باعىتتا تۇراقتى ءوسىم بايقالادى. تۇسىمدەر كولەمى 6,8 ترلن تەڭگەنى قۇراپ, جوسپاردان 704 ملرد تەڭگەگە ارتىق ورىندالعان. سالىقتىق جانە كەدەندىك اكىمشىلەندىرۋ اياسىندا قوسىمشا 653 ملرد تەڭگە كولەمىندە رەزەرۆتەر قامتاماسىز ەتىلدى. 2025 جىلدىڭ 9 ايىندا ەكسپورتتاۋشىلارعا ققس كولەمى 1 ترلن تەڭگەگە جۋىق قايتارىلعان», دەدى مينيستر.
