فوتو: istockphoto.com
وندا «دروپ» دەگەن كىم, «قارجىلىق پيراميدادان قالاي ساقتانۋ كەرەك» دەگەن نەگىزگى تۇسىنىكتەرمەن قاتار جەكە دەرەكتەر, بانك ونىمدەرى مەن ونلاين تولەمدەردىڭ قاۋىپسىزدىگىنە قاتىستى 20 سۇراق توپتاستىرىلعان. ول مەكتەپ وقۋشىلارىنا, كوللەدج جانە جوعارى وقۋ ورىندارىنىڭ ستۋدەنتتەرىنە ارنالعان ءارتۇرلى دەڭگەيلەردى قامتيدى. تەستتى 15-20 مينۋت ىشىندە كەز كەلگەن قۇرىلعىدان تاپسىرۋعا بولادى.
قما دەرەگىنشە, قازىر تەستتى تۇركىستان, شقو وبلىستارى مەن شىمكەنت قالاسىنىڭ تۇرعىندارى بەلسەندى تاپسىرىپ جاتىر.
«مۇعالىمدەر ونى ساباق بارىسىندا وتكىزسە, ۋنيۆەرسيتەتتەر فاكۋلتەتارالىق جارىستار ۇيىمداستىردى. الەۋمەتتىك جەلىلەردە قاتىسۋشىلار #FinIQ حەشتەگىمەن ءوز ناتيجەلەرىمەن ءبولىسىپ, دوستارىن «قارجىلىق يممۋنيتەتىن تەكسەرۋگە» شاقىرىپ جاتىر. تەست ناتيجەسىندە ءاربىر قاتىسۋشى ديپلوم مەن سەرتيفيكاتقا يە بولادى, ال قىسقا ۋاقىتتا ەڭ جوعارى باللعا يە بولعاندار باعالى سىيلىقتارمەن ماراپاتتالادى», دەلىنگەن اگەنتتىك حابارلاماسىندا.
ايتا كەتەيىك, تەست 20 قازانعا دەيىن جالعاسادى.
