جالپى اۋدانى 612 شارشى مەتردى قۇرايتىن جاڭا مەديتسينالىق پۋنكت ەڭبەك اۋىلىنىڭ جانە الاتاۋ قالاسىنىڭ ىرگەلەس اۋماقتارىنداعى 900-گە جۋىق تۇرعىنعا قىزمەت كورسەتەدى. مۇندا فەلدشەر, اكۋشەر, سانيتار جانە كۇزەتشى جۇمىس ىستەيدى. عيمارات زاماناۋي مەديتسينالىق قۇرال-جابدىقتارمەن قامتاماسىز ەتىلىپ, ناۋقاستاردى قابىلداۋعا جانە مەديتسينا قىزمەتكەرلەرىنىڭ جۇمىس ىستەۋىنە بارلىق جاعداي جاسالعان.
جاڭا فاپ-تىڭ اشىلۋى اۋىل تۇرعىندارىنا ۋاقىتىلى ءارى ساپالى العاشقى مەديتسينالىق كومەك الۋ مۇمكىندىگىن كەڭەيتەدى.
وبلىس اكىمدىگى تاراتقان اقپاراتقا سايكەس, وسىنداي جوبالاردىڭ جۇزەگە اسىرىلۋى اۋىلدىق جەرلەردەگى مەديتسينالىق قىزمەتتەردىڭ قولجەتىمدىلىگىن ارتتىرىپ, العاشقى مەديكو-سانيتارلىق كومەك جۇيەسىن نىعايتۋعا جول اشادى.
ء«بىز مەملەكەتكە قايتارىلعان اكتيۆتەردىڭ ناقتى ناتيجەسىن كورىپ وتىرمىز. بۇل قاراجاتتار الەۋمەتتىك ماڭىزى بار جوبالارعا باعىتتالىپ جاتىر. ەڭبەك اۋىلىنداعى جاڭا فاپ – وسىنىڭ جارقىن مىسالى. قايتارىلعان رەسۋرستار حالىق يگىلىگىنە جۇمسالىپ, جەرگىلىكتى ءومىر ساپاسىن ارتتىرۋعا قىزمەت ەتۋدە», – دەدى الماتى وبلىسىنىڭ اكىمى مارات سۇلتانعازيەۆ.
نىساننىڭ قۇرىلىسى الماتى وبلىسىنىڭ قۇرىلىس باسقارماسىنىڭ تاپسىرىسى بويىنشا جۇرگىزىلىپ, «اسك اۋىلقۇرىلىسى» جشس مەردىگەر ۇيىمى تاراپىنان سالىندى.
ايماقتا مۇنداي باستامالار اۋىلدىق ينفراقۇرىلىمدى دامىتۋعا جانە وبلىس تۇرعىندارىنا كورسەتىلەتىن مەديتسينالىق قىزمەت ساپاسىن ارتتىرۋعا باعىتتالعان ماڭىزدى قادام رەتىندە باعالانىپ وتىر.
الماتى وبلىسى.
