ينتەگراتسيانىڭ ىزگى جولىنداعى يگى ىستەر

ورتالىق كوممۋنيكاتسيالار قىزمەتىندە «KTZ Express» اق پرەزيدەنتى  سانجار ەلۋباەۆ پەن «قتج» ۇك» اق فيليالى – كولىكتىك-لوگيستيكالىق دامۋ ورتالىعى» ديرەكتورىنىڭ ورىنباسارى ابدۋر-راشيد ساكەنوۆ ءباسپاسوز ءماسليحاتىن وتكىزدى. وندا قازاقستاننىڭ حالىقارالىق كولىك اعىندارىنا ىقپالداسۋ شارالارى ءسوز بولدى. بۇل تۇرعىدا «KTZ Ex­press» اق قازاقستاننىڭ حالىق­ارالىق كولىك اعىنىنا ىقپال­داسۋى ماقساتىندا ىشكى جانە سىرت­قى تەرمينالدىق جەلى­سى­مەن كەڭ اۋقىمدى جوبالارىنا كىرىسكەنى ءمالىم. وسى جونىندە اڭگىمە وربىتكەن سپيكەرلەر «نۇر­لى جول» مەملەكەتتىك باع­دار­لا­ماسىنا سايكەس, ەلىمىز اۋما­عىنداعى ترانزيتتىك ءدالىز­دەر­گە جۇك اعىنىن تارتۋ قىزمەتى رەس­پۋبليكا ىشىندەگى تەرمينالدىق جەلىنى ساۋلەلى ادىسپەن دامىتۋدى كوزدەيتىنىن جەتكىزدى. وسى تاپسىرمانى ورىنداۋ ماقساتىندا بيىل بىرقاتار جوبالار ورىندالىپتى. ماسەلەن, استانا مەن شىمكەنت قالالارىنداعى ا كلاسىنداعى كولىكتىك-لوگيستيكالىق ورتا­لىقتار پايدالانۋعا بەرۋگە دايىن بولىپتى. سونداي-اق, «قورعاس – شىعىس قاقپاسى» اەا ينفراقۇرىلىمدىق نىساندارى جۇمىسىن باستاعان. اقتاۋ حالىقارالىق تەڭىز پور­تى­نىڭ سولتۇستىك قاناتىن كە­ڭەي­تۋ جوباسى اياقتالعالى تۇر ەكەن. كومپانيا ونىڭ سىرتىندا حالىقارالىق نارىقتاعى كولىك­تىك-لوگيستيكالىق قىزمەت اياسىن وسىرە تۇسكەن. ال ليانيۋنگان (قحر) پورتىندا بىرلەسكەن قازاق­ستان-قىتاي تەرمينالى تابىستى جۇمىسىن جالعاستىرىپ جاتقان كورىنەدى.  بۇگىندە «KTZ Express» اق كلايپەدا (ليتۆا), باندەر-ابباس (يران) جانە بومبەي (ينديا) پورتتارىنىڭ تەرمينالدارىنا قاتىسۋدى جوسپارلاپ قويىپتى. بۇلارمەن قاتار كومپانيا پرە­زيدەنتى قىتاي, رەسەي, تۇركيا, يران, ينديا جانە بالتىق جاعالاۋى, تاياۋ شىعىس, ەۋروپا نارىعىنا شىعۋ جوس­پارلارى جونىندە اڭگىمەلەدى. ءسويتىپ, تاۋەلسىزدىك جىلدارىندا قازاقستان بۇرىنعى كسرو ەلدەرىمەن سالىستىرعاندا, تەمىرجول قۇرىلىسىن بىرنەشە ەسە ارتىق جۇزەگە اسىرعانىن قاداپ ايتتى. «سوڭعى بەس جىلدا كونتەينەرلىك تاسىمالداردىڭ كو­لەمى 15 ەسەگە ارتتى. بيىل ءبىز تاعى دا ەكى ەسەگە ارتتىرۋدى جوس­پارلاپ وتىرمىز. اتاپ ايت­قان­دا, الەۋەتىمىز وتە ۇلكەن. وسى ورايدا ءبىزدىڭ لوگيستيكالىق ينفراقۇرىلىمدى بەلسەندى تۇردە پايدالاناتىن بولامىز. تاعى ءبىر جاعىمدى جاڭالىعىمىز, اقتاۋ حالىقارالىق تەڭىز پورتىن سولتۇستىك باعىتتا كەڭەيتۋ جوباسى اياقتالۋعا جاقىندادى. بۇل ءوز كەزەگىندە قۇرعاق جۇكتەردىڭ تاسىمالىن 4 ەسەگە ارتتىرۋعا مۇمكىندىك بەرەدى. ال «قورعاس – شىعىس قاقپاسى» اەا قۇرعاق پورتى ستراتەگيالىق ماڭىزعا يە ەكەنى بارشاڭىزعا ءمالىم», دەپ تۇيىندەدى ول ءسوزىن. استانا اۋەجايىندا ۇشۋ-قونۋ الاڭىن قايتا جاراق­تاندىرۋ مەن جاڭا تەرمينال قۇرىلىسىن جۇزەگە اسىرۋ جوس­پارلانىپ وتىرعانىن قتج وكى­لى جەتكىزدى. «بۇل جوبانىڭ اياقتالۋ مەرزىمى 2017 جىلدىڭ ناۋرىزىنا بەلگىلەنىپ وتىر. 2015 جىلى تەمىر قۇيمالاردىڭ باستى قاڭقالارى ورناتىلادى. قازىرگى كەزدە دايىندىق جۇمىستارى ءجۇرىپ جاتىر. جوبانىڭ باس­تى ماقساتى, اۋەجايدان وتەتىن جولاۋشىلاردىڭ سانىن ساعاتىنا 750 ادامنان 2500-گە دەيىن ارتتىرۋ. ساپارلايتىن ادامداردىڭ سانىن جىلىنا 3,5 ميلليوننان 7 ميلليونعا دەيىن جەتكىزۋ كوزدەلىپ وتىر. جوبا ىسكە قوسىلعاننان كەيىن 400 ادامعا جۇمىس ورنى اشىلادى. قۇرىلىسقا 1 مىڭنان استام جۇمىسشى تارتىلادى. باستى نازار اۋدارارلىعى, ­ۇشۋ-قونۋ الاڭى قازىرگى زامان­عى تالاپتارعا سايكەس جوعارى ستاندارتتارمەن سالىنادى. وسى وراي­دا اۋەجاي اۋا رايى جاع­دا­يى­نا قاراماس­تان, ۇشاق­تاردى قابىل­داۋ­­عا قاۋقارلى بولادى», ­ – دەدى ا.ساكەنوۆ. نۇرباي ەلمۇراتوۆ, «ەگەمەن قازاقستان».