فوتو: Freepik
پوشتاشىلاردىڭ ءتول مەرەكەسى دۇنيەجۇزىلىك پوشتا وداعى 14-ءشى كونگرەسىنىڭ شەشىمىمەن وداقتىڭ 1874 جىلى 9 - قازان قۇرىلۋىنا وراي اتاپ وتىلەدى.
العاشقى باس پوشتا وداعى گەرمانيانىڭ بەرنە قالاسىندا 22 ەلدىڭ وكىلدەرىنىڭ مۇشەلىگىمەن نەگىزى قالانعان. 1878 جىلى وداق اتاۋىن دۇنيەجۇزىلىك پوشتا وداعى دەپ وزگەرتكەن. بۇگىندە بۇل وداققا 189 مەملەكەت مۇشە. ال قازاقستان وداق قۇرامىنا 1992 جىلى كىرگەن.
دۇنيەجۇزىلىك پوشتا وداعى ارتۇرلى اۋقىمداعى فيرمالارعا كليەنتتەردى ىزدەپ تابۋعا جانە ولاردىڭ سۇرانىستارىنا جاۋاپ بەرۋگە قولعابىس ەتەدى.
حات-حاباردى قالدىرۋعا ارنالعان پوشتا جاشىكتەرى العاش بولىپ XVI عاسىردا يتاليانىڭ فلورەنتسيا قالاسىندا پايدا بولعان. بۇگىندە پوشتا جاشىكتەرى ەل-ەلدىڭ باسىم بولىكتەرىنە ورنالاستىرىلىپ, عالامداعى بارلىق پوشتا ءبولىمى ارقىلى 1 مينۋتتا شامامەن 5 ميلليون حات جونەلتىلەدى ەكەن.
قازاقستان اۋماعىندا العاشقى پوشتا ءبولىمى ۆەرنىي, قازىرگى الماتى قالاسىندا 1860 جىلى ەسىگىن اشقان.
ۇلتتىق ستاتيستيكا بيۋروسىنىڭ دەرەگىنشە, وسى جىلدىڭ قاڭتار-تامىز ارالىعىندا استانا, الماتى, شىمكەنت قالالارى مەن قاراعاندى, شىعىس قازاقستان, جامبىل, اقتوبە وبلىسىندا ەڭ كوپ پوشتالىق جانە كۋرەرلىك قىزمەت كورسەتىلگەن.
ەلىمىزدە پوشتاشىلار ءبىر اۋىسىمدا 12 شاقىرىمداي جاياۋ جول ەڭسەرىپ, 10 كەلىگە دەيىنگى سالەم-ساۋقات جينالعان سومكەنى ارقالايدى.
