فوتو: اشىق دەرەكوز
بۇل قۇجات اياسىندا ەلىمىزدە بىرىڭعاي تسيفرلىق پلاتفورما قۇرىلماق. ول اۆتورلىق قۇقىق وبەكتىلەرىن پايدالانۋدى تولىق اشىق ەتۋدى, اۆتورلار مەن پايدالانۋشىلار اراسىنداعى ءوزارا قاتىناستاردى ءادىل جۇيەگە ءتۇسىرۋدى كوزدەيدى. سونداي-اق زاڭدا گونورارلاردى ءبولۋ ۇلەسى قايتا قارالىپ, ەندى اۆتورلىق قوعامدار 20 پايىز, ال اۆتورلاردىڭ وزدەرى 80 پايىز الاتىن بولدى. بۇعان دەيىن بۇل ۇلەس 30/70 قاتىناسىندا بولعان ەدى.
دەپۋتات ەرلان ستامبەكوۆ بۇل وزگەرىستەرگە قارسى پىكىرلەردىڭ دە بولعانىن, بىراق پارلامەنت ءادىل شەشىم قابىلداعانىن ايتىپ وتىر. ەندى ادىلەت مينيسترلىگى مەن زياتكەرلىك مەنشىك ۇلتتىق ينستيتۋتى بىرىڭعاي تسيفرلىق پلاتفورمانى ەنگىزۋ بويىنشا اۋقىمدى جۇمىستى باستاماق. دەپۋتات شىعارماشىلىق قاۋىم وكىلدەرىن بۇل ىسكە بەلسەندى ارالاسۋعا شاقىردى.
جاڭا زاڭ شىعارماشىلىق يەلەرىنىڭ ەڭبەگىن ءادىل باعالاۋ مەن قورعاۋعا جول اشىپ, ەلدە ينتەللەكتۋالدىق مەنشىكتى قۇرمەتتەۋ مادەنيەتىن قالىپتاستىرۋدى كوزدەيدى.
