فوتو: اشىق دەرەككوز
دەپۋتاتتىڭ ايتۋىنشا, ەل اۋماعىندا بۇگىنگى كۇنگە دەيىن 1981 جىلى سەريالىق ءوندىرىسى توقتاتىلعان كەڭەستىك ياك-40 جولاۋشىلار ۇشاعى ءالى دە پايدالانىلىپ كەلەدى. بۇگىندە بۇل اۋە كەمەلەرى بەرىسى 44, ءارىسى 55 جىل جۇمىس ىستەپ كەلەدى.
قىرىقباەۆ اتاپ وتكەندەي, 1980 جىلداردىڭ سوڭىندا بۇل قوزعالتقىشتاردىڭ ءوندىرىسى توقتاتىلعان.
«ياك-40 ۇشاقتارى حالىقارالىق ازاماتتىق اۆياتسيا ۇيىمىنىڭ قازىرگى زامانعى شۋ مەن شىعارىندىلارعا قويىلاتىن تالاپتارىنا سايكەس كەلمەيدى. مۇنداي ۇشاقتاردى پايدالانۋ ەۋروپالىق وداق اۋماعىندا 2002 جىلدىڭ 1 ساۋىرىنەن باستاپ تىيىم سالىنعان. الايدا ەلىمىزدە قاۋىپسىزدىك ستاندارتتارىنا ساي كەلمەيتىن ياك-40 اۋە كەمەلەرى سانيتارلىق اۆياتسيادا, ياعني پاتسيەنتتەردى تاسىمالداپ ءجۇر, بۇل ادام ومىرىنە قاۋىپ توندىرەدى ەمەس پە؟» دەدى دەپۋتات.
حالىق قالاۋلىسى ۇكىمەتتەن بىرقاتار ناقتى شارا قابىلداۋدى سۇرادى. اتاپ ايتقاندا, ول ياك-40 ۇشاقتارىن ەل اۋماعىندا پايدالانۋدى توقتاتۋ, ولاردى كەزەڭ-كەزەڭىمەن شىعارۋدىڭ ناقتى كەستەسىن ۇسىنۋ جانە حالىقارالىق ستاندارتتارعا ساي جاڭا اۋە كەمەلەرىن ساتىپ الۋ باعدارلاماسىن ازىرلەۋ قاجەتتىگىن ايتتى.
