فوتو: pinterest.com
ونىڭ ايتۋىنشا, جاڭا كودەكس تەك قۇرىلىس نورمالارىن جۇيەلەۋمەن شەكتەلمەيدى, ەڭ باستىسى – ادام ءومىرى مەن قاۋىپسىزدىگىن باسىمدىققا قويادى. بۇل قۇجاتتا حالىقتىڭ ءجۇرىپ-تۇرۋى شەكتەۋلى توپتارىنا قولايلى ورتا قالىپتاستىرۋ, قوعامنىڭ قالا قۇرىلىسى شەشىمدەرىنە تىكەلەي قاتىسۋى جانە اقپاراتتىق ۇلگىلەۋ جۇيەسىن ەنگىزۋ سىندى تەتىكتەر قامتىلعان.
ءماجىلىس تالقىسىندا كودەكس جوباسىنا 1700-دەن استام ۇسىنىس ءتۇسىپ, جۇمىس توبىنىڭ تالقىلاۋىندا قىزۋ پىكىرتالاس تۋدىرعان.
ساراپشىلاردىڭ پايىمىنشا, جاڭا كودەكس قۇرىلىس سالاسىنداعى جاۋاپكەرشىلىك پەن باقىلاۋ تەتىگىن كۇشەيتىپ, سەيسميكالىق ايماقتارداعى نىسانداردىڭ قاۋىپسىزدىگىن ارتتىرادى. سونىمەن بىرگە, BIM ۇلگىلەۋ جۇيەسىن ەنگىزۋ ارقىلى جوبالاۋ مەن قۇرىلىس-مونتاج ۇدەرىسى اشىق ءارى ءتيىمدى بولماق.
«وسىعان بايلانىستى قۇرىلىس كودەكسى مەن وعان ىلەسپە زاڭ جوباسىن ءبىرىنشى وقىلىمدا قولداۋلارىڭىزدى سۇرايمىز. جۇمىس توبى زاڭ جوباسىن ەكىنشى وقىلىمعا دايىنداۋ اياسىندا ءوز جۇمىسىن جالعاستىراتىن بولادى», دەدى مۇرات ابەنوۆ.
جاڭا قۇرىلىس كودەكسى قابىلدانسا, ەلىمىزدەگى قۇرىلىس يندۋسترياسى قاۋىپسىزدىك, تيىمدىلىك جانە اشىقتىقتىڭ جاڭا ستاندارتىنا كوتەرىلەدى دەگەن ءۇمىت بار دەپۋتاتتاردا.
